İnsan hüquqları üzrə müvəkkil (ombudsman) 5 illik vəzifə (183 600 manat) maaşı məbləğində icbari sığorta ediləcək.

Eləcə də bax: Bank Ombudsmanı iddia məbləği 10 min dollardan aşağı olan şikayətlərə - BAXMAYACAQ

FED.az “Qafqazinfo”ya istinadən xəbər verir ki, Milli Məclisin bu gün keçirilən iclasında “Azərbaycan Respublikasının İnsan hüquqları üzrə müvəkkili (ombudsman) haqqında” Azərbaycan Respublikasının Konstitusiya Qanununda dəyişiklik edilməsi barədə” qanunun layihəsi müzakirəyə çıxarılıb.

Layihə səsverməyə çıxarılaraq I oxunuşda qəbul edilib.

Məlumat üçün əlavə edək ki, müvəkkilin aylıq əmək haqqı 3060 manatdır.

Qeyd edək ki, Azərbaycanda ombudsman vəzifəsini Səbinə Əliyeva icra edir.