Meqa Sığorta ASC 30 sentyabr 2025-ci il tarixinə olan maliyyə nəticələrini açıqlayıb.
FED.az xəbər verir ki, hesabat dövrü üzrə şirkətin cəmi gəlirləri 25 milyon 927 min manat təşkil edib.
Gəlirlərin əsas hissəsi əsas əməliyyat gəlirlərindən formalaşıb və bu göstərici 25 milyon 722 min manat olub. Həmçinin şirkət 2 milyon 65 min manat investisiya gəliri əldə edib.
Digər gəlirlər isə 601 min manat təşkil edib.
Şirkətin cəmi xərcləri 22 milyon 176 min manat olub. Bu məbləğin 13 milyon 486 min manatı əsas əməliyyat xərclərinin, 8 milyon 644 min manatı işlərin aparılması xərclərinin, 47 min manatı isə digər xərclərin payına düşüb.
Hesabat dövrü üzrə maliyyə mənfəəti 3 milyon 751 min manat təşkil edib. Şirkət 746 min manat mənfəət vergisi ödəyib və nəticədə xalis mənfəəti 3 milyon 5 min manat səviyyəsində formalaşıb.
Biznes əməliyyatlarının nəticələri - qeyri-həyat sığortası sahəsi
30 sentyabr 2025-ci il tarixinə şəxsi sığorta sahəsi üzrə cəmi sığorta haqları 3 milyon 878 min manat, sığorta ödənişləri isə 1 milyon 938 min manat olub. Tibb sığortası üzrə eyni göstəricilər müvafiq olaraq 3 milyon 878 min manat və 1 milyon 938 min manat təşkil edib.
Əmlak sığortası sahəsində cəmi sığorta haqları 6 milyon 760 min manat, sığorta ödənişləri isə 2 milyon manat səviyyəsində qeydə alınıb. Bu sahədə əmlakın yanğından və digər risklərdən sığortası üzrə sığorta haqları 2 milyon 503 min manat, ödənişlər isə 56 min manat olub.
Avtonəqliyyat vasitələrinin sığortası üzrə sığorta haqları 4 milyon 257 min manat, ödənişlər isə 1 milyon 944 min manat təşkil edib.
Mülki məsuliyyət sığortası üzrə cəmi sığorta haqları 11 milyon 725 min manat, sığorta ödənişləri isə 7 milyon 832 min manat səviyyəsində olub. Bu məbləğ bütövlükdə avtonəqliyyat vasitəsi sahiblərinin mülki məsuliyyətinin icbari sığortası üzrə formalaşıb.
Digər sığorta sinifləri üzrə 3 milyon 329 min manat sığorta haqqı, 66 min manat isə sığorta ödənişi qeydə alınıb. Ümumilikdə sığorta haqları 25 milyon 693 min manat, sığorta ödənişləri isə 11 milyon 836 min manat təşkil edib.
Şirkətin investisiya portfeli hesabat tarixinə 44 milyon 126 min manat olub. Bu portfelin 21 milyon 186 min manatı istiqrazlardan, o cümlədən 14 milyon 895 min manat dövlət istiqrazlarından, 6 milyon 290 min manat isə qeyri-dövlət istiqrazlarından ibarətdir.
Bundan başqa, şirkətin səhmlərə yatırımları 14 milyon 494 min manat, depozitləri isə 8 milyon 447 min manat təşkil edib. Digər investisiya kateqoriyaları üzrə vəsait yerləşdirilməyib.
Şirkətin cəmi aktivləri 57 milyon 132 min manat səviyyəsində formalaşıb. Pul vəsaitləri və onların ekvivalentləri 2 milyon 420 min manat olub, bunun 1 milyon 982 min manatı milli valyutada, 438 min manatı isə xarici valyutada saxlanılıb.
İnvestisiya aktivləri yenə 44 milyon 126 min manat təşkil edib. Debitor borcları 8 milyon 114 min manat olub; bunun 4 milyon 421 min manatı birbaşa sığorta, 234 min manatı təkrarsığorta əməliyyatları, 3 milyon 459 min manatı isə sair debitorlarla bağlıdır.
Sığorta ehtiyatlarında təkrarsığortaçıların payı 963 min manat təşkil edib. Şirkətin torpaq, tikili və avadanlıqlar üzrə aktivləri 596 min manat, qeyri-maddi aktivləri 41 min manat, digər aktivləri isə 872 min manat olub.
Şirkətin cəmi öhdəlikləri hesabat tarixinə 27 milyon 433 min manat təşkil edib. Bunun 24 milyon 415 min manatı sığorta ehtiyatlarının payına düşür. Kreditor borcları 2 milyon 531 min manat, digər öhdəliklər isə 487 min manat həcmində qeydə alınıb.
Qeyri-həyat sahəsi üzrə ümumi sığorta ehtiyatları
Sığorta ehtiyatlarının ümumi məbləği 24 milyon 415 min manat olub. Bu məbləğin 18 milyon 171 min manatı qazanılmamış sığorta haqları ehtiyatı, 5 milyon 632 min manatı zərərlər ehtiyatı, 612 min manatı isə digər ehtiyatlar üzrə formalaşıb. Qeyri-həyat sığortası sahəsində ehtiyatların cəmi də eyni məbləğdə – 24 milyon 415 min manat təşkil edib.
Bu sahədə şəxsi sığorta növləri üzrə ehtiyatlar 3 milyon 546 min manat, əmlak sığortası üzrə ehtiyatlar 8 milyon 555 min manat, mülki məsuliyyət sığortası üzrə ehtiyatlar isə 9 milyon 867 min manat olub. Digər sığorta sinifləri üzrə ehtiyatlar 2 milyon 447 min manat səviyyəsində müəyyənləşib.
Şirkətin cəmi kapitalı 29 milyon 699 min manat təşkil edib. Bunun 23 milyon manatı ödənilmiş nizamnamə kapitalı, 6 milyon 699 min manatı isə bölüşdürülməmiş mənfəət olub.
