“Meqa Sığorta” ASC sığorta şirkətinin yanvar-fevral ayları üzrə yığımlarının və ödənişlərinin həcmi məlum olub.
FED.az xəbər verir ki, 2025-ci ilin yanvar-fevral aylarında sığorta şirkəti 5,335 mln. manat sığorta haqqı toplayıb.
Hesabat dövründə şirkət müştərilərinə 2,260 mln manat sığorta ödənişi edib ki, bu da illik müqayisədə 306 min manat və ya 15,7% artım deməkdir. 2024-cü ilin iki ayı ərzində də sığorta ödənişləri 1,953 mln. manat olub.
“Meqa Sığorta” ASC-nin ödəniş-yığım nisbəti bu dövrdə 42% olub.
Qeyd edək ki, “Meqa Sığorta” ASC 2010-cu ildən fəaliyyət göstərir və hüquqi və fiziki şəxslərə 35 növ könüllü və icbari sığorta məhsulları, eləcə də 100% səhmdarı olduğu “Meqa Həyat Sığorta” ASC vasitəsi ilə həyat sığortası üzrə sığorta xidmətləri göstərir. Şirkət Bakı və Azərbaycanın müxtəlif regionlarında 16 filial və nümayəndəlik şəbəkəsi, *8778 Çağrı Mərkəzi və https://meqasigorta.az/online onlayn satış platforması ilə müştərilərin xidmətindədir. Şirkət sığorta yığımlarının, sığorta ödənişlərinin və məcmu kapitalının həcminə görə sığorta bazarının lider şirkətlərindən biridir.
