Son günlər öz aktuallığını artıran və daim sualların yaranmasına səbəb olan lizinq müqavilələri üzrə sığorta məsələlərinin düzgün tənzimlənməməsi müqavilə bağlanmasından hadisə zamanınadək, hətta hadisədən sonra da lizinq alanın böyük itkilərə məruz qalması ilə nəticələnə bilir.
Ayda 1500 manat qazanan şəxs - NEÇƏ MANATLIQ MAŞIN ALMALIDIR? – HESABLAMA
FED.az xəbər verir ki, "İnsurance Consalting Service" MMC-nin rəhbəri Aqil Nuriyev öz araşdırmasında lizinq və sığorta münasibətlərinin kəsişməsi zamanı itkilərdən qorunmaq yollarını izah edib
1) Əvvəla qeyd edək ki, bu iki müqavilə üzrə başlıca lizinq predmeti nəqliyyat vasitəsi olduqda, daha çox diqqətli olma tələb edilir. Sığorta müqaviləsini bağlayan şəxs kim olmalıdır?
Nəqliyyat vasitəsi hər zaman icbari sığortaya cəlb edilməli olduğu üçün lizinqə verilməmişdən əvvəl sığorta olunma mümkündür. Bu halda lizinq verən şirkət nəqliyyat vasitəsini sığortalayacağı üçün şirkətin sığortalatdığı nəqliyyat vasitələri lizinqə veriləndən sonra bir-birilə toqquşaraq hadisə törətdikdə, sığorta ödənişi ala bilməyəcək
2) Hadisə zamanı lizinqə avtomobil götürən - lizinq alan sığorta şirkəti ilə münasibətlərdə iştirak edə bilmir.
Belə ki, əksər lizinq şirkətləri avtomobil lizinqə verildiyi üçün hər ay verilən lizinq ödənişini aldıqdan sonra 1 aylıq müddətə yalnız nəqliyyat vasitəsini idarə etmək səlahiyyəti ilə icazə verdiyi üçün lizinq alan sığorta şirkətində lizinq verənin adından çıxış edə bilmir. Bu halda da imza və hərəkət sərbəstliyi üçün lizinq alan lizinq şirkətindən yeni etibarnamə almaq zərurətinə düşür.
3) Dəymiş zərərin ödənilməməsi.
Lizinq alan hadisə zamanı zərər çəkmiş şəxs sayılıbsa, sığorta şirkəti əmlaka dəymiş zərəri lizinq alanla deyil, lizinq verənlə, yəni lizinq şirkəti ilə razılaşdırmaq hüququna malik olduğuna görə dəymiş zərərin həcmi düzgün formalaşmır.
4) Sığorta şirkətinin ödəniş verməmək oyunu.
Sığorta şirkəti zərəri razılaşdırmaqla ödəməli olduğu üçün lizinq şirkəti ilə razılaşdırdığı məbləği elə lizinq şirkətinə də ödəyir. Əksər hallarda lizinq şirkətləri müştəri ilə bağladığı müqavilədə sığorta şirkətindən ödəniş almaq hüququnu özündə saxlayır.
Hadisə baş verdikdə lizinq şirkəti avtomobilə dəymiş zərərə görə sığorta şirkətindən ödənişi müştərinin xəbəri olmadan ala bildiyi üçün həmin məbləği borcdan silinmə kimi rəsmiləşdirir. Müştəri isə həm zədəli avtomobillə baş-başa qalır, həm də lizinqə müraciət edən şəxslərin bəzən taksi sürücüləri olmasını nəzərə alanda, gündəlik qazancından məhrum olur.
Yekunda qeyd edək ki, görünən problemlərlə üzləşməmək üçün peşəkarlar tərəfindən sığorta dəstəyi almaq məqsədəuyğundur.
Aqil Nuriyev, "İnsurance Consalting Service" MMC, Sigortadestek.az
