“İnvest-AZ İnvestisiya Şirkəti” 2024-cü ilin maliyyə vəziyyətini açıqlayıb.
FED.az xəbər verir ki, şrikətinin cəmi gəlirləri 14 milyon 560 min manata bərabər olub. Gəlirlər son bir il ərzində 1 milyon 814 min manat (14,2%) artıb.
Gəlirlərin böyük hissəsi 13 milyon 321 min manatı marja ticarətindən xalis gəlirlərin payına düşüb. Bu da son bir il ərzində 1 milyon 232 min manat (10,2%) artıqdır.
Broker xidmətlərindən və digər komissiya gəlirləri 579 min manat (2 dəfə) artımla 1 milyon 156 min manata yüksəlib.
İnvestisiya şirkəti tədris xidmətləri üzrə 76 min manat gəlir əldə edib ki. bu da 2023-cü illə müqayisədə 10 min manat (15,2%) artıqdır.
Bununla yanaşı dividend gəlirləri 7 min manata bərabər olub.
“İnvest-AZ İnvestisiya Şirkəti”nin cəmi xərcləri 2 milyon 820 min manata bərabər olub ki, bunun da 769,8 min manatı xalis haqq və komissiya gəlirlərinin, 10 milyon 113 min manatı inzibati və digər əməliyyat xərclərinin, 856,4 min manaı, faiz xərclərinin payına düşüb.
Ötən ilin sonuna əsasən “İnvest-AZ İnvestisiya Şirkəti”nin əməliyyat üzrə mənfəəti 2 milyon 820 min manata bərabər olub. Məzənnə fərqindən xalis gəliri 28 min manatdan bir qədər çox olub.
“İnvest-AZ İnvestisiya Şirkəti” 558,3 min manat xalis mənfəət vergisi ödənişindən sonra 2024-cü ili 2 milyon 290 min manat xalis mənfəətlə başa vurub.
İnvestisiya şirkəti hesabat ilində böyüyüb. Aktivləri 9 milyon 584 min manat (28,1%) artımla 43 milyon 683 min manata yüksəlib.
Bunun da 27 milyon 12 min manatı cari aktivlərdir ki, bu da 2023-cü ilin sonuna nisbətən 11 milyon 203 min manat (70,9%) çoxdur.
Cari aktivlərin 26 milyon 612 min manatı pul vəsaitləri və onların ekvivalentləri olub ki, bu da illik müqayisədə 10 milyon 940 min manat (69,8%) çoxdur. Digər aktivlər də 262 min manat (2,9 dəfə) artaraq 400 min manata yaxınlaşıb.
"İnvest.az"ın uzun müddətli aktivləri 16 milyon 6741 min manata bərabər olub.
Bunun da 8 milyon 330 min manatı əsas, 7 milyon 774 min manatı istifadə hüququ olan aktivlərdir.
İnvestisiya qiymətli kağızları üzrə aktivlər 288,6 min manat, asılı müəssisələrə investisiyalar 62 min manata bərabər olub. Hər iki göstərici ötən ilin sonu ilə müqayisədə dəyişməyib.
“İnvest-AZ İnvestisiya Şirkəti”nin cəmi öhdəlikləri 7 milyon 949 min manat (29,1%) artımla 35 milyon 307 min manata yüksəlib.
Balans kapitalı 1 milyon 635 milyon (24,3%) manat artımla 8 milyon 376 min manata yüksəlib.
Bunun da 5 milyon 376 min manatı əvvəlki illərin bölüşdürülməyən mənfəətidir. Bu da əvvəlki ilə müqayisədə 1 milyon 635 min manat (43,7%) artıqdır.
Nizamanmə kapitalı isə dəyişməyərək 3 milyon 400 manat olaraq qalıb.
