Banner

Sığorta

İşsizlikdən sığorta ilə bağlı - ŞƏRTLƏR YUMŞALDILACAQ

İşsizlikdən sığorta ilə bağlı - ŞƏRTLƏR YUMŞALDILACAQ | FED.az
15:19 18 İyun 2020

Əmək və Əhalinin Sosial Müdafiəsi Nazirliyi “İşsizlikdən sığorta haqqında” qanunda dəyişiklik edilməsi barədə” qanun layihəsi hazırlayıb. 

Eləcə də bax: Sahil Babayev: “İşsizlikdən sığorta ödənişlərinin təyin olunması şərtləri yumşaldılacaq”

Nazirlikdən FED.az-a verilən məlumata görə, layihədə işsizlikdən sığorta ödənişlərinin şərtlərinin yumşaldılması və bu ödənişlərin əhatə dairəsinin genişləndirilməsi üçün təkliflər əksini tapır.

Mövcud qanunvericilikdə müəssisənin ləğvi və ya işçilərin (yaxud ştatların) sayının ixtisar edilməsi nəticəsində əmək müqaviləsinə xitam verilmiş şəxslərə azı 3 il sığorta stajına malik olduqda işsizlikdən sığorta ödənişinin təyin olunması nəzərdə tutulur. Yeni layihədə bu müddətin 3 ildən 1 ilədək azaldılması təklif olunur.

Həmçinin layihədə müddətli əmək müqaviləsinin müddətinin bitməsi əsasında əmək müqaviləsinə xitam verilmiş şəxslərə də sığorta ödənişinin təyin olunması təklifi yer alır.

Eləcə də işsizlikdən sığorta ödənişinin hesablanması, işsizlikdən sığorta ödənişlərinin elektron qaydada təyinatı və s. ilə bağlı təkliflər də layihədə əksini tapır.

Digər xəbərlər

Banner