Sığorta

İş adamı: «3 şirkətə müraciət etdim, OBYEKTİMİ SIĞORTA ETMƏDİLƏR» - ADLAR

İş adamı: «3 şirkətə müraciət etdim, OBYEKTİMİ SIĞORTA ETMƏDİLƏR» - ADLAR | FED.az
16:48 17 Dek 2019

«Binə» ticarət mərkəzində bir neçə mağazası olan sahibkar Bəhruz Məmmədov sığorta şirkətlərindən narazıdır.

İş adamı FED.az-a bildirib ki, «Binə»dəki obyektlərini sığortalamaq üçün «Azsığorta», «Atəşgah» və «Paşa Sığorta» şirkətlərinə müraciət edib, amma üçündən də imtina alıb.

Eləcə də bax:İş adamı: "Mallarımı hər il sığorta edirdim – BU İL 2 GÜN GECİKDİM, 200 MİN İTİRDİM"

«Hər 3 sığorta şirkəti  bildirdi ki, mənim obyektlərimi sığorta etməyəcəklər. «Azsığorta» əsas kimi onu gətirir ki, «Binə» ticarət mərkəzi riskli məkandır. Onlar deyir ki, Fövqaladə Hallar Nazirliyi (FHN) buranı təhvil almayıb, ona görə də sığortalaya bilmərik. «Atəşgah» və «Paşa Sığorta» şirkətlərindən isə heç bir əsas gətirmədən «Binə»dəki obyektlərimi sığorta etmədiklərini bildirdirlər»-deyə Bəhruz Məmmədov bildirdi.

Onun sözlərinə görə adlarını qeyd etdiyi sığorta şirkətlərinə hələ «Eurohome» ticarət mərkəzində yanğın baş verməmişdən əvvəl müraciət edib. «Şirkətlərə müraciət etmişəm ki, əməkdaş göndərin 3 obyektim var, sığortalayım. Deyilər ki, sığortalamırıq. Adam naraşat olur. Amma «Sədərək» ticarət mərkəzində çalışan yoldaşlar var, onlar öz dükanlarını sığortalatdırıblar. «Binə» ticarət mərkəzi yeni tikiləndə bir-iki sığorta şirkəti gəlib sığorta xidmətlərini təklif edirdilər. Amma sonradan onlar da yoxa çıxdılar. «Binə»də bir neçə dəfə  yanğın olub. Fikrimcə sığorta şirkətləri də ona görə sığortalamırlar»- deyə Bəhruz Məmmədov bildirib.

Eləcə də bax:““EuroHome” bazarı sığortalanmayıbsa, bu halda FHN-nin də - MƏSULİYYƏTİ YARANIR” - EKSPERT

İş adamı bildirir ki, bəzi sığorta şirkətləri mərkəzdəki mağazaları sığorta edirlər, amma bu yalnız yanğına aiddir, subasmadan sığorta etmirlər. «İstəyirdik ki, tanınmış sığorta  “Atəşgah” “Paşa Sığorta” şirkəti ilə buranı sığortalatdıraq o da onlar yaxın durmadı»- deyə Bəhruz Məmmədov bildirib.

Məsələ ilə bağlı “Paşa Sığorta”dan FED.az-a bildirilib ki, “Binə” ticarət mərkəzində yanğınla bağlı müraciət edənlərə imtina verilib. Buna səbəb isə həmin ərazinin beynəlxalq standartlara cavab verməməsidir. "Yanğından mühafizə ilə bağlı xüsusi standartlar var. Bu növ könüllü sığorta növü olduğu üçün şirkətin sığorta ilə bağlı müraciət edənə imtina vermək hüququ var" - deyə “Paşa Sığorta” şirkətindən bildirilib.

Eləcə də bax:İş adamları "Eurohome" rəhbərinin – TƏKLİFİNİ QƏBUL ETMƏYİBLƏR

Sığorta eksperti İlkin İbrahimov da bildirir ki, sığorta şirkətləri «Sədərək» və «Binə» ticarət mərkəzini sığortalamırlar.  Şirkətlər əsas kimi, ticarət obyektlərinin təhvil alınmadığını göstərirlər: «Fövqalədə Hallar Nazirliyi əgər obyekti istismara qəbul etmirsə, bu o deməkdir ki, bura riskli zonadır. Sual ortaya çıxır ki, əgər bura riskli zonadırsa onda niyə burda bu qədər adam çalışır?!”- deyə İlkin İbrahimov FED.az-a bildirib.

 

 

Digər xəbərlər