Sığorta

İcbari Tibbi Sığorta üzrə Dövlət Agentliyi jurnalistlər üçün - TƏLİM KEÇİRİB

İcbari Tibbi Sığorta üzrə Dövlət Agentliyi jurnalistlər üçün - TƏLİM KEÇİRİB | FED.az
17:02 30 Yan 2020

30 yanvar 2020-ci il tarixində İcbari Tibbi Sığorta üzrə Dövlət Agentliyinin təşkilatçılığı ilə ölkənin aparıcı media nümayəndələri üçün “KİV nümayəndələrinin icbari tibbi sığorta sahəsində məlumatlılığının artırılması” mövzusunda təlim keçirilib.

Eləcə də bax: Terapevt 1200 manat, Cərrah 4-5 min manat - TİBBİ SIĞORTADA – HƏKİMLƏRİN MAAŞI

 FED.az xəbər verir ki, təlimin əsas məqsədi media institutları ilə peşəkar kommunikasiyanı gücləndirməkdən, jurnalistlərin icbari tibbi sığorta sisteminin məqsədi, əhəmiyyəti, əhaliyə verəcəyi faydalar və səhiyyənin maliyyələşməsi haqqında məlumatlılıq səviyyəsini artırmaqdan ibarətdir.

 Təlimdə Agentliyin departament rəhbərləri Vüqar Qurbanov, Aynurə Əhmədova, şöbə müdirləri Şükür Eyvazov, Yadigar Mahmudzadə, koordinatorlar Səbinə Quliyeva və Nəsimi Nuriyev icbari tibbi sığortanın ölkə üzrə mərhələli tətbiqi və sığorta haqqı, xidmətlər zərfi və müştərək maliyyələşmə məbləği, səhiyyə işçilərinin əməkhaqlarına əlavələrin tətbiqi, tibb müəssisələrinin və tibb işçilərinin kütləvi informasiya vasitələri ilə əməkdaşlığı mövzularında çıxış ediblər.

  Təlimdə icbari tibbi sığortanın ölkə üzrə mərhələli tətbiqi ardıcıllığı, icbari tibbi sığorta haqqının hesablanması kalkulyatoru və icbari tibbi sığorta çərçivəsində həyata keçirilmiş ürək əməliyyatı ilə bağlı videoçarxlar nümayiş olunub.

Sonda sual-cavab sessiyası təşkil olunub və jurnalistləri maraqlandıran suallar Agentliyin əməkdaşları tərəfindən cavablandırılıb.

Təlim iştirakçılarına sertifikatlar təqdim olunub.

İcbari Tibbi Sığorta üzrə Dövlət Agentliyi jurnalistlər üçün - TƏLİM KEÇİRİB | FED.azİcbari Tibbi Sığorta üzrə Dövlət Agentliyi jurnalistlər üçün - TƏLİM KEÇİRİB | FED.az

Digər xəbərlər