Azərbaycanda icbari tibbi sığortanın həyata keçirildiyi pilot rayonlarında göstərilən tibbi xidmət keyfiyyətsiz olduqda, həmin xəstəxanaya ödənişdən imtina olunur, bu isə həmin xidməti göstərən tibb işçisinin əmək haqqına təsir edir. FED.az xəbər verir ki, bu barədə İcbari Tibbi Sığorta Agentliyinin tibbi sığorta departamentinin direktoru Vüqar Qurbanov bildirib. Onun sözlərinə görə, bu mexanizm tibbi sığorta çərçivəsində göstərilən xidmətlərə maliyə nəzarəti çərçivəsində tətbiq edilib: «İcbari tibbi sığortadan əhali ilə yanaşı, tibb personalının da razı qalması üçün yeni mexanizmlər, o cümlədən bonus sistemi tətbiq edilib ki, keyfiyyətli və artıq xidmət göstərən həkimlər daha yüksək gəlir əldə etsinlər».
Bununla yanaşı, keyfiyətsiz xidmət göstəriləndə ödənişən imtina edilir: «Agentlik ay ərzində göstərilən tibbi xidmətlərin ekspertizasını aparır. Bu ekspertiza nəticəsində keyfiyyətsiz və ya tam olmayan tibbi xidmətə görə, və sair çatışmazlıqlara görə, həmin tibb müəssisələrinə ödənişlərdən imtina olunur. Həmin ödənişlərdən imtina olunanda isə, bu məsələ o xidməti göstərən tibb işçisinin - həkimlərin və sairlərin əmək haqqına təsir edir. İcbari tibbi sığortanın ölkə üzrə tətbiqində isə daha sərt və ciddi nəzarət sistemi tətbiq olunacaq».
ELƏCƏ DƏ BAX: İcbari tibbi sığorta niyə gecikir? - AÇIQLAMA
Qeyd edək ki, hazırda icbari tibbi sığorta Azərbaycanın 3 bölgəsində – Mingəçevir, Yevlax və Ağdaşda tətbiq edilir. Vüqar Qurbbanov FED.az-ın İcbari Tibb Sığorta mövzusunda canlı yayımında bildirib ki, icari tibbi sığortanın tətiqi çərçivəsində görülən tədbirlər çərçivəsində tibbi personalının aylıq gəlirləri təqribən 3 dəfə artıb.
Onun sözlərinə görə, ölkədə səhiyyə sisteminə ciddi investisiyalar yatırılır və müasir xəstəxanalar tikilir. Amma həkimlərin 60%-dən yuxarı hissəsi Bakıda cəmləşib. Bunun səbəbi dövlət xəstəxanalarının özəl sektorla rəqabət apara bilməməsidir. V.Qurbanov deyib ki, bu problemin həlli üçün icbari sığortanın tətbiq edildiyi pilot ərazilərdə həkimlərin maaşları 3 dəfəyə yaxın artırılıb.
«Hazırda pilot ərazilərdə orta maaş 850-870 manatdır. Terapevtlərdə maaş 120-130 manat idisə, hazırda onun üzərinə İTSA-nın əlavələrini də gələndə bu maaşlar 360-370 manata çatıb. Amma cərrahi profillər üzrə çalışanarda artım daha böyükdür. Əvvəllər bunlar da 120-160 manat arasında maaş alırdılarsa hazırda 800-850 manat ətrafındadır».
Bundan başqa da həmin həkimlərin fəaliyyətinə görə bonuslar da verilir: «Bonuslar həm tibbi xidətin keyfiyyətinə görə, həm də xəstə sayına görə hesablanır. Burada normativlər var ki hər həkim gündə neçə xəstə qəbul edə bilər. Məsələn terapevtik profillərdə bu 10 nəfər təşkil edir. Bu dünya standatlarına və təcrübəsinə uyğundur. Xəstələrin sayı bundan artıq olduqda onlara görə əlavə bonuslar hesablanacaq».
