Azərbaycan cəmiyyətinin daim eşitdiyi icbari avtomobil sığortası (Avtonəqliyyat vasitəsi sahiblərinin mülki məsuliyyətinin icbari sığortası) üzrə hər kəs yaxşı bilir ki, quraşdırılmış radarlar vasitəsilə icbari sığortası olmayan nəqliyyat vasitələrinin sahiblərinə inzibati cərimə tətbiq edilir. Bu isə sığortanın maarifləndirmə, kompensasiya etmə və tənzimləmə məqsədinə uyğun olmayan məlumatdır.

Azərbaycanda 5 sığorta şirkətinin aktivləri - Azalıb

FED.az xəbər verir ki,  əslində icbari avtomobil sığortası sürücünün təqsiri nəticəsində baş verən yol-nəqliyyat hadisəsi zamanı başqalarının əmlakına və sağlamlığına dəyən zərərin əvəzini ödəmək məqsədilə tətbiq olunur. Burada əsas gözlənilən yol-nəqliyyat hadisəsi nəticəsində təqsirli sürücünün maddi vəziyyətindən asılı olmayaraq zərərçəkmişlərə dəyən zərərin əvəzinin sürücünün insafına buraxılmadan ödənilməsidir.

İcbari avtomobil sığortası üzrə sığorta şirkətləri tərəfindən hansı zərərlərin ödənilməsi (ödənişin həcmini azaltmaq əsas istək olduğu üçün) ətraflı bildirilmədiyi üçün "İnsurance Consalting Service" MMC olaraq bu araşdırmanı təqdim edirik.

İcbari avtomobil sığortası üzrə ödənilən zərərlər:

- piyadaların sağlamlığına dəyən zərərlər

- sərnişinlərin sağlamlığına dəyən zərərlər. Burada zərərvuran və ya zərərçəkənə məxsus nəqliyyat vasitəsində oturmasından asılı olmayaraq bütün sərnişinlər nəzərdə tutulur.

Sadəcə olaraq bir istisna var ki, təqsirli sürücünün və ya icbari sığorta müqaviləsi adına bağlanan şəxsin ailə üzvləri - ata-anası, yoldaşı və uşaqlarına dəyən zərər ödənilməyəcək. Şəxsin qardaş-bacısı sərnişin qismində əyləşərsə, onun sağlamlığına və əmlakına dəymiş zərər də ödənilir.

- nəqliyyat vasitəsi ilə toqquşma zamanı nəqliyyat vasitələrinə, yol nişan və qurğularına, təbiətə (ağaclar, bitkilər və s), əmlaka (dövlət, bələdiyyə, xüsusi mülkiyyət) dəyən zərərlər də ödənilir. Qeyd edək ki, istər sərnişinlərə, istərsə də piyada və ya hər hansı şəxsə məxsus daşınar əşyalara (pul, qiymətli daş, metal, sənət əsərləri, ixtiralar istisna olmaqla) dəyən zərər də ödənilir. Misal üçün hadisə zamanı sərnişinin telefonu, kompüteri də sıradan çıxıb və bu səlahiyyətli orqan tərəfindən qeydə alınıbsa, sığorta şirkəti zərəri ödəməlidir.

- kənd təsərrüfatı məhsulları və heyvanlarına dəyən zərərlər.

- velosiped, moped, yol örtüyünə dəymiş zərərlər

Hər bir halda hadisə zamanı zərər vurulmuş əmlak barədə məlumatlar səlahiyyətli orqanlar tərəfindən qeydə alındıqdan sonra sığorta şirkəti tərəfindən ödəniş vermək öhdəliyi yaranacaq.

"İnsurance Consalting Service" MMC-nin direktoru Aqil Nuriyev