Azərbaycanda həyatın (yığım tərkibli) yaşam sığortası məhsulunu bazarda fəaliyyət göstərən ixsisaslaşmış həyat sığortası şirkətləri (“Meqa Həyat”, “Xalq Həyat”, “Qala Həyat”, “Atəşgah Həyat” və “Paşa Həyat”) təqdim edir.

Həyatın yaşam sığortası məhsulu:

Həyatın yaşam sığortası müqaviləsi bağlamaqla vətəndaşlar öz gəlirlərindən qanunverciliyə uyğun şəkildə ödəmələr edir. Müqavilə müddəti başa çatdıqda isə əldə etdiyi əlavə qazancla birlikdə öz yığılmış vəsaitini əldə etmiş olur.

Tutaq ki, məhsula qoşulduq bəs bunun nə kimi üstünlükləri var?

Bu məhsul yalnız öz həyatınızı sığortalamaq imkanı yaratmır, həmçinin bəzi vergi güzəştlərindən və depozitlərin faizlərindən gəlir əldə etməyə də şərait yaradır. İstənilən insanın gələcək planları olduğu üçün müəyyən planlar qurmağı və bunun üçün vəsait toplamağı arzulayır. Bu halda bu məhsula qoşulmaqla yığım əldə edə bilər.

Məhsulda əsas üstünlük vergi və sosial sığorta haqlarından azadolmaların tətbiq edilməsidir. Burada vətəndaş həm qazanc əldə etmək, həm də ölümü və əmək qabiliyyətinin itirməsi halında onun ailəsini maddi vəsaitlə həyatının sığortalayır.

Qanunvericilik nə deyir?

Həyatın yaşam sığortasına qoşulmaq üçün minimal məbləğ 50 manat (gross), maksimal məbləğ isə aylıq gəlirinizin (gross gəlir) 50 %-i həcmində qoşula bilərsiniz.

Bəs gəlin görək hansı sığorta şirkəti daha çox gəlirlidir.

FED.az biznes maliyyə portalı həyatın yaşam sığortası məhsulu üzrə şirkətlərin rəsmi veb səhifələrində tətbiq etdiyi kalkulyator əsasında apardığı araşdırmaya görə, ölkənin həyat sığorta bazarında yaşam sığortası məhsulu üzrə ən sərfəli şərtləri “Meqa Həyat” sığorta şirkəti təklif edir.

“Meqa Həyat” sığorta şirkətinin rəsmi veb səhifəsində həyatın yaşam üzrə kalkulyatorda (https://my.megalife.az/login) 40 yaşında vətəndaş 1126 manat qross əmək haqqı ilə bu məhsula qoşularsa 36 ay müddətin sonunda 22,097 min manat vəsait əldə edəcək.

“Paşa Həyat” sığorta şirkətinin rəsmi səhifəsindəki kalkulyatora eyni göstəriciləri əlavə etdikdə vətəndaşın alacağı məbləğ 21,363 min manat təşkil edir, yəni "Meqa Həyat" sığorta şirkətinin təklif etdiyi gəlirdən 734 manat azdır.

"Xalq Həyat" sığorta şirkətinin kalkulyatorunda vətəndaşın alacağı vəsait 21,589 min manat qeyd olunur.

“Atəşgah Həyat” sığorta şirkəti (https://www.ateshgah-life.com/product/heyatin-yigim-sigortasi) isə müasir İT imkanlarından mərhum olaraq rəsmi səhifəsində kalkulyator tətbiqini yarada bilməyib. Saytda həyatın yaşam sığortası məhsulu ilə bağlı yalnız ümumi şərtlər qeyd olunub.

“Qala Həyat” sığorta şirkəti isə https://qala.az/products/insurance_product_capital/ anderrayter peşəkarlığından tam yararlana bilməyərək avtomatik hesablama aparmağa risk etməyib. Şirkət yaratdığı kalkulyator yalnız vətəndaş barədə şirkətə məlumat göndərməkdən ibarətdir. Göstəricilər xanaya əlavə edillərək göndərildikdən sonra şikət tərəfindən müştəriyə cavab veriləcəyi ilə bağlı məlumat verilir.