Sığorta

Cəsarətli strategiya ilə mənfəətdədir - SIĞORTA HESABATI

Cəsarətli strategiya ilə mənfəətdədir - SIĞORTA HESABATI | FED.az
10:34 26 İyul 2018

Azərbaycanın aparıcı sığorta şirkətlərindən olan  “AzSığorta” 2018-ci ilin I yarısını mənfəətlə bitirib.

FED.az xəbər verir ki, ilk yarımillikdə şirkətin xalis mənfəəti 4 mln. 230 min 84 manat təşkil edib.

2018-ci ilin yanvar – iyun ayları ərzində “AzSığorta” ASC-nin əsas əməliyyat, investisiya, subroqasiya və digər gəlirlər daxil olmaqla ümumi gəlirləri 16 mln. 577 min 403 manat təşkil edib ki, bu da 2017-ci ilin analoji dövrü ilə müqayisədə 2 mln. 239 min 130 manat və ya 16% çoxdur. 

Bu ilin ilk yarısında “Azsığorta” ASC-nin xərcləri isə keçən ilin müvafiq dövrü ilə müqayisədə 36% azalaraq 11 mln. 289 min 798 manat təşkil edib. Xatırladaq ki, 2017-ci ilin 1-ci yarısında bu göstərici 17 mln. 689 min 542 manat olub. 2018-ci ilin ilk altı ayının  5 mln. 550 min 591 manatı əsas əməliyyat xərclərinin, 5 mln. 241 min 343 manatı işlərin aparılmasına, 497 min 863 manatı isə sair xərclərin payına düşür. Nəticədə vergiqoyulmadan əvvəl mənfəət 5 mln. 287 min 605  manat, xalis mənfəət isə 4 mln. 230 min 84 manat təşkil edib.  

“Hazırda cari ilin 1-ci rübündəki müsbət tendensiyanın davam etdiyini müşahidə edirik. Ümumilikdə birinci yarımillikdə 4 milyon xalis mənfəət, ilk növbədə şirkətin bütün sahələrdə paralel olaraq inkişaf etdiyini göstərdi. Hazırda bu dinamikanın stabilliyini saxlayaraq müsbət göstəriciləri daha da artırmaq niyyətindəyik”  - deyə, “Azsığorta” ASC İdarə Heyətinin Sədri Anar Talıbov bildirib.  

Qeyd edək ki, ölkənin öndə gedən sığorta şirkətlərindən olan “AzSığorta” ASC 2006-cı ildən fəaliyyət göstərir. “Fitch” beynəlxalq reytinq agentliyi şirkətin etibarlılığını və maliyyə dayanıqlılığı üzrə kredit reytinqini "B" səviyyəsində təsdiq edib.

Digər xəbərlər