Sığorta

Azərbaycanda həyat sığortası 20%, qeyri-həyat sığortası isə - 6% Artıb

Azərbaycanda həyat sığortası 20%, qeyri-həyat sığortası isə - 6% Artıb | FED.az
11:50 27 İyul 2021

Bu ilin yanvar-iyun aylarında Azərbaycanda həyat sığortası növlərinin hesabına 193,692 milyon manat sığorta haqqı toplanılıb.

Eləcə də bax: Sığorta ödənişi/yığım nisbəti üzrə - ŞİRKƏTLƏRİN RENKİNQİ - FAİZ (YANVAR-İYUN,2021)

FED.az Azərbaycan Mərkəzi Bankına istinadən xəbər verir ki, bu, ötən ilin yanvar-iyun aylarına nisbətən 19,8% çoxdur.

Ötən 6 ayda qeyri-həyat sığortası növlərinin hesabına daxilolmalar isə 258,674 milyon manat təşkil edib. Bu isə illik müqayisədə 5,7% çoxdur.

Hesabat dövründə həyat sığortası növləri üzrə ödənişlər 29,4% artaraq 141,519 milyon manata, qeyri-həyat sığortası növləri üzrə ödənişlər isə 35,1% artaraq 106,681 milyon manata çatıb.

Beləliklə, 2021-ci ilin yanvar-iyun aylarında həyat sığortası bazarında toplanmış hər 100 manat sığorta haqqı üzrə 73,1 manat, qeyri-həyat sığortası bazarında toplanmış hər 100 manat sığorta haqqı üzrə isə 41,2 manat müştərilərə geri ödənilib. Bu rəqəmlər 2020-ci ilin yanvar-iyun aylarında müvafiq olaraq 67,7 manat və 32,25 manat olub.(Renkinq)

Banner
Banner

Digər xəbərlər