Azərbaycanda yerli sığorta şirkətlərinin hansının mobil tətbiqi olduğu məlum olub.

FED.az bazar üzrə apardığı araşdırmaya əsasən, Azərbaycanda fəaliyyət göstərən 20 sığorta şirkətindən yalnız 5 şirkətin mobil tətbiqinin olduğu məlum olub. Mobil tətbiqi olan şirkətlər sırasına “A-Qrup” Sığorta, “PAŞA Sığorta”, “Xalq Sığorta”,  “Qala Sığorta” ASC və “Qala  Həyat Sığorta” ASC daxildir. Qalan şirkətlərin tətbiqi yoxdur. 

Araşdırma nəticəsində məlum olub ki, istifadəçilər tərəfindən “play market”-dən ən çox yüklənən və isitifadə edilən mobil tətbiq “A-Qroup”sığorta şirkətinin yaratdığı tətbiqdir. Bu şirkətin mobil tətbiqi istifadəçilər tərəfindən 5000-dən çox yüklənib. Sonrakı yerlərdə “PAŞA Sığorta” (1000+), “Xalq Sığorta”(100+), “Qala Sığorta”(100+) və “Qala Həyat Sığorta”(0) şirkəti qərarlaşır.

Ən maraqlısı odur ki, “Qala Həyat Sığorta” şirkəti mobil tətbiqini yaratsa belə, heç kim bu tətbiqdən istifadə etməyib. Yəni bu tətbiqin yüklənmə sayı sıfıra bərabərdir.