Banner

Sığorta

Azərbaycanda hərbi xidmətdə olanlar - SIĞORTA OLUNACAQ - YENİLİK

Azərbaycanda hərbi xidmətdə olanlar  - SIĞORTA OLUNACAQ - YENİLİK | FED.az
14:51 30 Sen 2019

Dövlət orqanlarının strukturuna daxil olan qurumlarda hərbi xidmətdə olan şəxslər və toplanışlarda olan hərbi vəzifəlilər sığortalanacaq.

FED.az xəbər verir ki, bununla bağlı “Hərbi qulluqçuların dövlət icbari şəxsi sığortası haqqında” qanunun 2-ci maddəsinə (Sığorta olunanlar) dəyişiklik təklif edilir.

Eləcə də bax: Son 1 ildə sığorta yığımları ən çox – AZALAN ŞİRKƏTLƏR MƏLUM OLUB

Təklifə əsasən, “Azərbaycan Respublikasının qanunvericiliyinə müvafiq surətdə yaradılmış digər qoşun birləşmələrində” sözləri “hərbi xidmət nəzərdə tutulmuş digər dövlət orqanlarında (dövlət orqanlarının strukturuna daxil olan qurumlarda)” sözləri ilə əvəzlənməlidir. 

Bununla da Qanun hərbi qulluqçulara (sığorta olunanlara) Azərbaycan Respublikası Silahlı Qüvvələrinin, dövlət təhlükəsizliyi, xarici kəşfiyyat orqanlarının şəxsi heyəti, habelə hərbi xidmət nəzərdə tutulmuş digər dövlət orqanlarında (dövlət orqanlarının strukturuna daxil olan qurumlarda) hərbi xidmətdə olan şəxslər və toplanışlarda olan hərbi vəzifəlilərə şamil edilə bilər.

Sənədin hazırkı variantı isə belədir: Qanun hərbi qulluqçulara (sığorta olunanlara) Azərbaycan Respublikası Silahlı Qüvvələrinin, dövlət təhlükəsizliyi, xarici kəşfiyyat orqanlarının şəxsi heyəti, habelə Azərbaycan Respublikasının qanunvericiliyinə müvafiq surətdə yaradılmış digər qoşun birləşmələrində hərbi xidmətdə olan şəxslər və toplanışlarda olan hərbi vəzifəlilər aid edilir.

Layihə Milli Məclisin sentyabrın 30-da keçirilən ilk plenar iclasında müzakirəyə çıxarılaraq I oxunuşda qəbul olunub.

Apa

Digər xəbərlər

Banner