Azərbaycanın sığorta bazarının aparıcı iştirakçılarından olan «Azərbaycan Sənaye Sığorta» 2022-ci ildə aktivlərini 2 dəfə artıraraqa, ötən ilin ən sürətli böyüyən sığorta şirkəti olub.
Sığorta ödənişlərinin həcmi üzrə - ŞİRKƏTLƏRİN RENKİNQİ (YANVAR-FEVRAL, 2023)
FED.az bu barədə şirkətin açıqladığı hesabata istinadən xəbər verir. Hesabata əsasən 2022-ci ildə şirkətin aktivləri 42 milyon 520,4 milyon manata yüksəlib ki, bu da 2021-ci ilin sonu ilə müqayisədə 2 dəfə artıqdır. Xatırladaq ki, 2021-ci ilin sonunda şirkətin aktivləri 20 milyon 738,6 min manat olmuşdu.
Aktivlərin artımı özünü həm uzunmüddətli, həm də qısamüddətli aktivlərdə göstərib. Belə ki, şirkətin uzunmüddətli aktivləri 90%-ə yaxın artaraq 2 milyon 192 min manata yüksəlib.
«Azərbaycan Sənaye Sığorta»nın qısamüddətli aktivləri isə 2 dəfədən çox artaraq 40 milyon 328 min manata yüksəlib.
Şirkətin öhdəlikləri isə 4 dəfəyə yaxın artaraq 2021-ciilin sonundakı 7,7 milyon manatdan 34 milyon manata yüksəlib.
2022-ci ilin nəticələrinə görə, «Azərbaycan Sənaye Sığorta»nın əsas əməliyyat gəlirləri 14 milyon 753 min manat olub. Bu 2021-ci illə müqayisədə 2,2 milyon manat və ya 18% artıqdır.
Bunun 14,5 milyon manatını toplanmış sığorta haqları təşkil edib. Sığorta haqları isə 2,5 milyon manat və ya 20% artıb.
Şirkətin əsas əməliyyat xərcləri 7 milyon 572 min manat, işlərin aparılması xərcləri isə 4 milyon 946 min manat olub. 2021-ci illə müqayisədə əməliyyat xərcləri 4%, işlərin aparılması xərcləri isə 1,4 milyon manat və ya 40% yüksəlib.
2022-ci ilin sonuna «Azərbaycan Sənaye Sığorta»nın kapitalı 8 milyon 532 min manat təşkil edib.
