Azərbaycanın sığorta bazarının aparıcı iştirakçılarından olan «Atəşgah Sığorta» 2024-cü il üzrə maliyyə vəziyyətini açıqlayıb.
FED.az şirkətin hesabatına istinadən xəbər verir ki, sığorta şirkəti ötən ili 3 milyon 355 min manat xalis mənfəətlə başa vurub. Halbuki, 2023-cü ildək ki mənfəəti cəmi 437 min manata bərabər idi. Göründüyü kimi son bir il ərzində yüksək fərqlə sığorta şirkətinin mənfəətində artım baş verib. Xalis mənfəət 2 milyon 918 min manat (7,7 dəfə) artıb.
Bu dövrdə şirkət 839 min manata yaxın mənfəət vergisi ödəyib. Bu əvvəlki ilin mənfəət vergisi ödənişindən 730 min manat (7,7 dəfə) çoxdur.
2023-cü ildə “Atəşgah Sığorta”nın əsas əməliyyat gəlirləri 77 milyon 943 min manata bərabər olub. Əsas əməliyyat gəlirlərindən birbaşa sığorta üzrə sığorta haqları 76 milyon 453 min manat, sığorta ödənişlərində təkrarsığortaçıların payı üzrə gəlirlər 1 milyon 133 min manat, təkrarsığortaya verilmiş müqavilələr üzrə komissyon muzdlar üzrə gəlirlər 157,4 min manat təşkil edib.
Bundan başqa investisiya gəlirləri 2 milyon 399 min manat, subroqasiya gəlirləri 952,4 min manat, sair gəlirlər 1 milyon 264 min manat, cəmi gəlirləri isə 69 milyon 654 min manat olub.
Əvvəlki illə müqayisədə əsas əməliyyat gəlirləri 26 milyon 699 min manat (61,6%), birbaşa sığorta üzrə sığorta haqları 30 milyon 583 min manat (66,7%), təkrarsığortaya verilmiş müqavilələr üzrə komissyon muzdlar üzrə gəlirlər 8,7 min manat (5,9%), investisiya gəlirləri 1 milyon 387 min manat (2,4 dəfə), subroqasiya gəlirləri 153,4 min manat (19,2%), sair gəlirlər 441,9 min manat (53,8%), cəmi gəlirləri isə 30 milyon 795 min manat (79%) artıb.
Bu dövrdə əsas əməliyyat xərcləri 41 milyon 437 min manat, sığorta ödənişləri və sığorta məbləğləri üzrə xərclər 29 milyon 15 min manat, qaytarılan sığorta haqları üzrə xərclər 1 milyon 392 min manat, tənzimləmə xərcləri 92 min manat, təkrarsığortaya verilmiş sığorta haqları üzrə xərclər 10 milyon 6 min manat, qarşısıalınma tədbirləri fonduna ayırmalar üzrə xərclər 397 min manat, ığorta fəaliyyəti üzrə sair xərclər 534,6 min manat işlərin aparılması xərcləri 21 milyon 900 min manat, sair xərclər 2 milyon 123 min manat, cəmi xərcləri isə 65 milyon 460 min manat təşkil edib.
Sığorta şirkətinin xalis mənfəəti son bir il ərzində 3 milyon 648 min manat (7,7 dəfə) artaraq 4 milyon 194 min manata yüksəlib.
“Atəşgah Sığorta” ötən il 56 milyon 984 min manat cəmi aktivlərə malik olub. Aktivlər son bir il ərzində 10 milyon 419 min manat (22,4%) artıb.
Sığorta şirkətinin öhdəlikləri 10 milyon 121 min manat (33,7%) artaraq 40 milyon 149 min manata, balans kapitalı isə 298 min manat (1,8%) artaraq 16 milyon 835 min manata yüksəlib.
Bölüşdürülməmiş mənfəətin həcmi 298 min manat (20,7%) artımla 1 milyon 739 min manata yüksəlib.
