Sığorta

“Atəşgah Sığorta Şirkəti” zərərdən - MƏNFƏƏTƏ KEÇİB

“Atəşgah Sığorta Şirkəti” zərərdən - MƏNFƏƏTƏ KEÇİB | FED.az
08:59 3 Aprel 2020

“Atəşgah Sığorta Şirkəti” ASC 2019-cu ili 1 milyon 178 min manat xalis mənfəət ilə başa vurub. Müqayisə üçün qeyd edək ki, Şirkət 2018-ci ili 770 min 375 manat, 2017-ci ili isə 1 milyon 27 min manat xalis zərər ilə bağlamışdı.

Eləcə də bax: "Qala Həyat Sığorta"nın xalis mənfəəti 55% artıb - MƏBLƏĞ

XƏRCLƏRİ AZALIB

FED.az şirkətin maliyyə göstəricilərinə istinadən xəbər verir ki, ötən il “Atəşgah Sığorta”nın cəmi gəlirləri 39 milyon 48 min manat, cəmi xərcləri isə 37 milyon 576 min manat təşkil edib. Şirkət 1 milyon 472 min manat əməliyyat mənfəətindən 294 min manat mənfəət vergisi ödəyib.

Müqayisə üçün qeyd edək ki, 2018-ci ildə “Atəşgah Sığorta”nın cəmi gəlirləri 40 milyon 964 min manat, cəmi xərcləri isə 41 milyon 734 min manat təşkil etmişdi. Xərclər gəlirləri üstələdiyindən Şirkətin 770 min 375 manatlıq zərəri yaranmlşdı.

İllik müqayisədə “Atəşgah Həyat”ın topladığı sığorta haqları 2018-ci ildəki 36 milyon 832 min manatdan 2019-cu ildə 36 milyon 880 min manata yüksəlib, sığorta ödənişləri isə 20 milyon 82 min manatdan 19 milyon 162 min manata düşüb.

31 Dekabr 2019-cu il tarixində “Atəşgah Sığorta” 40 milyon 790  min manat cəmi aktivlərə malik olub. Şirkət 2018-ci ilin sonunda 42 milyon 117 min manat cəmi aktivlərə malik idi.

Marja

Digər xəbərlər