“AtaSığorta” ASC komandasını peşəkar kadrlarla gücləndirməkdə davam edir.
FED.az xəbər verir ki, bu fəaliyyətin davamı olaraq “AtaSığorta” şirkətinin satış departamentinin direktoru vəzifəsinə Ramin İsmayılov təyin edilib. Maliyyə sahəsində 15 ildən çox təcrübəyə malik olan R.İsmayılov bir neçə bank və sığorta şirkətlərində rəhbər vəzifələrdə çalışıb.
“AtaSığorta” ASC 2004-cü il iyul ayının 21-də rəsmi dövlət qeydiyyatından keçib və həmin ilin sentyabr ayının 3-dən etibarən tam lisenziyalı sığorta fəaliyyətini həyata keçirir. “AtaSığorta” ASC müştərilərinin bütün mümkün və sığortalana biləcək risklərinə maksimum təminat verir. AtaSığorta şirkəti 26 könüllü və 4 icbari növlər üzrə sığorta xidmətləri təqdim edir. Şirkət İcbari Sığorta Bürosunun təsisçisi və iştirakçısıdır.Müştəri məmnuniyyətinin artırılması və xidmət keyfiyyətinin yüksəldilməsi məqsədilə Şirkətin Çağrı Mərkəzi 24/7 rejimdə fəaliyyət göstərir.
