Banner

Sığorta

8 institut və 1 mərkəz TƏBİB-in tabeliyinə verilməyəcək - FƏRMAN

8 institut və 1 mərkəz TƏBİB-in tabeliyinə verilməyəcək - FƏRMAN | FED.az
19:20 3 İyun 2019
Prezident İlham Əliyev “Azərbaycan Respublikasında icbari tibbi sığortanın tətbiqinin təmin edilməsi ilə bağlı bir sıra tədbirlər haqqında” Azərbaycan Respublikası Prezidentinin 2018-ci il 20 dekabr tarixli 418 nömrəli Fərmanında dəyişiklik edilməsi haqqında fərman imzalayıb. Fərmanda deyilir :

“Azərbaycan Respublikasında icbari tibbi sığortanın tətbiqinin təmin edilməsi ilə bağlı bir sıra tədbirlər haqqında” Azərbaycan Respublikası Prezidentinin 2018-ci il 20 dekabr tarixli 418 nömrəli Fərmanının 2-ci hissəsinə “Talassemiya Mərkəzi” sözlərindən sonra

“B.Ə.Eyvazov adına Elmi-Tədqiqat Hematologiya və Transplantologiya İnstitutu,

K.Y.Fərəcova adına Elmi-Tədqiqat Pediatriya İnstitutu,

Akademik C.M.Abdullayev adına Elmi-Tədqiqat Kardiologiya İnstitutu,

V.Y.Axundov adına Elmi-Tədqiqat Tibbi Profilaktika İnstitutu,

Elmi-Tədqiqat Ağciyər Xəstəlikləri İnstitutu,

Elmi-Tədqiqat Mamalıq və Ginekologiya İnstitutu,

Elmi-Tədqiqat Tibbi Bərpa İnstitutu,

Elmi-Tədqiqat Travmatologiya və Ortopediya İnstitutu,

M.A.Topçubaşov adına Elmi Cərrahiyyə Mərkəzi”

sözləri əlavə edilsin.

Qeyd edək ki, sözügedən fərmanın 2-ci hissəsində yeni yaradılan TƏBİB təşkilatının tərkibinə verilməyərək, Səhiyyə Nazirliyinin tabeliyində qalacaq tibb müəssisələri göstərilirdi. Prezidentin bu dəfəki fərmanı ilə Nazirliyin tərkibində qalacaq təşkilatların sayı daha da artırılıb. 



 

 

Digər xəbərlər

Banner