2025-ci il üzrə Azərbaycanda fəaliyyət göstərən sığorta şirkətlərinin müştərilərə etdiyi ödənişlərin dinamikası açıqlanıb.
FED.az biznes və maliyyə xəbərləri portalının məlumatına görə bəzi şirkətlərdə ödənişlərdə nəzərəçarpacaq artım qeydə alınıb.
Lider şirkət
Renkinqə "Meqa Həyat Sığorta" ASC başçılıq edir. Şirkətin ödənişləri 1 milyon 28 min manatdan 4 milyon 583 min manata yüksəlib. Nəticədə 346% və ya 3 milyon 555 min manat artım qeydə alınıb.
İlk üçlük
"Qala Sığorta" ASC – ödənişlər 17 milyon 351 min manatdan 27 milyon 67 min manata çatıb. Artım 56% və ya 9 milyon 716 min manat təşkil edib.
"Aqrar Sığorta" ASC – ödənişlər 6 milyon 408 min manatdan 9 milyon 156 min manata yüksəlib. Bu da 42,9% və ya 2 milyon 748 min manat artım deməkdir.
"Atəşgah" Sığorta Şirkəti ASC – ödənişlər 29 milyon 18 min manatdan 40 milyon 469 min manata qalxıb. Artım 39,5% və ya 11 milyon 451 min manat olub.
Digər şirkətlər
"AtaSığorta" ASC-nin ödənişləri 4 milyon 297 min manatdan 5 milyon 857 min manata yüksəlib (36,3% artım).
"Paşa Həyat Sığorta" ASC – ödənişlər 418 milyon 779 min manatdan 561 milyon 73 min manata çatıb (34% və ya 142 milyon 293 min manat artım).
"Atəşgah Həyat" Sığorta Şirkəti ASC-də ödənişlər 53 milyon 230 min manatdan 69 milyon 792 min manata yüksəlib (31,1% artım).
"AzSığorta" ASC-də ödənişlər 1 milyon 527 min manatdan 1 milyon 836 min manata qalxıb (20,3% artım).
"Xalq Sığorta" ASC-nin ödənişləri 9 min 951 min manatdan 10 milyon 883 min manata yüksəlib (9,4% artım).
"Azərbaycan Sənaye Sığorta" ASC-nin ödənişləri 12 milyon 99 min manatdan 13 milyon 143 min manata çatıb (8,6% artım).
"Meqa Sığorta" ASC müştərilərinə ödədiyi məbləğlər 15 milyon 699 min manatdan 16 milyon 146 min manata yüksəlib (2,8% artım).
