Sahibkarlar 2021-2024-cü illər ərzində Azərbaycanın sənaye zonalarına 748 milyon manata yaxın investisiya yatırıb.
Sənaye zonalarında indiyədək həyata keçirilən məhsul satışı açıqlandı - MƏBLƏĞ
FED.az xəbər verir ki, bunu iqtisadiyyat naziri Mikayıl Cabbarov "X" sosial şəbəkəsindəki hesabında bildirib.
Nazir qeyd edib ki, bu illər ərzində 865 daimi iş yeri yaradılıb: “Bu müddətdə 11,68 milyard manatlıq məhsul satışı həyata keçirilib ki, bunun da 4,08 milyard manatlıq hissəsi ixracın payına düşür”.
Onun sözlərinə görə, sənaye zonalarının fəaliyyəti ölkədə iqtisadiyyatın şaxələndirilməsinə, investisiyaların cəlb edilməsinə, yeni iş yerlərinin yaradılmasına, yerli istehsalın və ixracın artmasına, eləcə də innovasiyaların təşviqinə töhfələr verir.
