Gürcüstanda hərbi avadanlıq və müxtəlif avtomobillər istehsal edən "Delta” zavodu yeni zirehli kəşfiyyat maşınını təqdim edib.
Eləcə də bax: Gürcüstan İsraillə birgə avtomat istehsalına - BAŞLADI
FED.az biznes və maliyyə xəbərləri portalı AZƏRTAC-a istinadən xəbər verir ki təqdimat mərasimində Gürcüstanın Baş naziri İrakli Qaribaşvili, müdafiə naziri Cuanşer Burçuladze və digər rəsmi şəxslər iştirak ediblər.
Tədbirdə Gürcüstan istehsalı olan silahlar, yenilənmiş “Didqori” zirehli texnikası, tibbi evakuasiya zirehli maşını, zirehli jiletlər, minaatanlar və zirehli texnikanın müxtəlif nümunələri nümayiş olunub.
Müdafiə naziri Cuanşer Burçuladze deyib ki, gələn il müdafiə nazirliyi Gürcüstan istehsalı olan yeni kəşfiyyat maşınlarını Müdafiə Qüvvələrinin ixtiyarına təhvil verməyi planlaşdırır.
Gələn il Müdafiə Qüvvələrinə səkkiz yeni kəşfiyyat maşınının təhvil verilməsi nəzərdə tutulub.
