5-7 iyul tarixlərində "Cavad xan" Tarix və Mədəniyyət Fondu ilə "Kap.az" - Fərqli Turizm MMC-nin təşkilatçılığı, Dövlət Turizm Agentliyi, Gənclər və İdman Nazirliyi, Türk Əməkdaşlıq və Koordinasiya Agentliyi (TİKA), Dünya Etnoidman Konfederasiyası, Gəncə Şəhər, Göygöl Rayon İcra hakimiyyətləri, Dövlət Məşğulluq Agentliyi və KOBİA-nın dəstəyilə Göygöl rayonunda III Milli Yaylaq Festivalı keçirilmişdir.

FED.az xəbər verir ki, festival üç hissədən ibarət idi: mədəni-etnoqrafik hissə, milli yaylaq (idman) oyunları və eko-etnoturizm. "Xan yaylağı"-nda orijinal üslubda "Yaylaq yurdu" adlı etnoqəsəbə yaradılmış, yaşayış yurdları ilə yanaşı, Cıdır meydanı, "Yaylaq bazarı", "Sənətkarlıq guşəsi", "Dədə Qorqud ocağı", "Pəhləvan meydanı", "Aşıq Ələsgər ocağı", "Yaylaq süfrəsi" və digər tematik sahələr də mövcud idi. Festivalda çoxsaylı yerli və xarici qonaqlar iştirak etmişdir.

Göygöl Şərab Zavodu da bu festivalda iştirak edərək müasir texnologiya ilə hazırlanmış yüksək keyfiyyətli təbii tərkibə malik şərabları, araq, konyak və şampan məhsullarını təqdim etmişdir. Festivalın yerli və xarici qonaqlarına həm şərabların zəngin dadından həzz almaq imkanı yaradılmış, şərabçılıq estetikası və müxtəlif yeməklər üçün ideal şərab seçiminin incəlikləri, həm də məhsulların istehsal prosesi haqqında ətraflı məlumat təqdim edilmişdir.

Qeyd edək ki, 160 ildən artıq tarixə malik “Göygöl Şərab Zavodu” ASC Azərbaycanın ən qədim və ən böyük spirtli içki istehsal edən müəssisəsidir. Əsası 1860- cı ildə şvabinq almanlar tərəfindən qoyulmuş zavod bü gün “Xan 1860” brendi altında təqdim etdiyi araq, şərab, konyak və şampan məhsulları dəfələrlə önəmli beynəlxalq mükafat və sertifikatlar qazanmışdır.