Bu yaxınlarda Ələt Azad İqtisadi Zonasında 138 hektar ərazi investorlara təqdim ediləcək.
FED.az xəbər verir ki, bunu Ələt Azad İqtisadi Zonasının İdarə Heyətinin sədri Valeh Ələsgərov Azərbaycan-Çin İqtisadi və Ticarət Əməkdaşlığı Konfransında bildirib.
O qeyd edib ki, Ələt Azad İqtisadi Zonası regionun ən cəlbedici azad iqtisadi zonasıdır:
“Bunu bizim artıq bugünkü təcrübəmiz də göstərir. Gələcək investorlar qeyd etmək istərdim ki, bu gün biz birinci mərhələdə 60 hektar ərazini təqdim etməyə hazırıq. Yaxın vaxtlarda azad iqtisadi zonada 138 hektar ərazi investorlara təqdim ediləcək. Bir il yarımdan sonra növbəti 364 hektar ərazini investorlara təqdim edilməyə hazır olacaq. Azad iqtisadi zonanın azı 6 500 hektar ərazisi var. Buna görə də istənilən şirkətə istənilən həcmdə, ölçüdə ərazi təqdim etməyə hazırıq". (Apa)
