Bu ilin yanvar-mart aylarında paytaxtın toxuculuq sənayesi, geyim, dəri və dəridən məmulatların, ayaqqabıların istehsalı sahələrində 32,9 milyon manat dəyərində məhsul istehsal edilib.
FED.az Bakı Şəhər Statistika İdarəsinin yaydığı məlumata istinadla xəbər verir ki, əvvəlki ilin eyni ayları ilə müqayisədə toxuculuq sənayesində 3,6 dəfə, geyim istehsalında 6,5 faiz artım, dəri və dəridən məmulatlar, ayaqqabı istehsalında isə 38,8 faiz azalma müşahidə olunub.
