Sənaye

Bakıda sex müdiri 2500 manat cərimələndi

Bakıda sex müdiri 2500 manat cərimələndi | FED.az
10:06 4 Dek 2018

Ekologiya və Təbii Sərvətlər Nazirliyinə (ETSN) Binəqədi rayonu, C.Xəndan küçəsində fəaliyyət göstərən metalkəsmə sexindən atmosferə atılan tullantılarla bağlı daxil olan şikayəti nazirliyin əməkdaşları yerində araşdırıblar, monitorinq keçirilib. 

ETSN-nin mətbuat xidmətindən FED.az-a verilən məlumata görə, bununla bağlı sexdə monitorinq keçirilib. 

Atmosfer havasından nümunələr götürülüb və analiz aparılıb. Analizin nəticələrinə görə havaya atılan tullantıların miqdarının normadan artıq olduğu müəyyən edilib.

Faktla bağlı sexə cavabdeh şəxs İlqar Ağayev barəsində protokol tərtib edilib və o, vəzifəli şəxs qismində 2500 manat məbləğində cərimə olunub.

Atmosferə atılan tullantıların qarşısının alınması məqsədilə İ.Ağayevə icrası məcburi olan müddətli “məcburi göstəriş” verilib.

Digər xəbərlər

Banner