Sənaye

Azərbaycanda daha iki - SƏNAYE ZONASI YARADILACAQ

Azərbaycanda daha iki - SƏNAYE ZONASI YARADILACAQ | FED.az
15:55 21 Okt 2019

Azərbaycanda daha iki sənaye zonasının yaradılması nəzərdə tutulur.

FED.az xəbər verir ki, bu barədə bu gün İqtisadiyyat Nazirliyində keçirilən yollegiya iclasında bildirilib.

Eləcə də bax: Milli Məclisdə Ələt azad iqtisadi zonası haqqında qanunda dəyişikliklə bağlı - MÜZAKİRƏLƏR APARILIB

İclasda qeyd edilib ki, artıq ölkə regionlarında 4 sənaye məhəlləsi yaradılıb. Bu sənaye məhəllələrində 38 rezident qeydiyyatdan keçib və bunlardan 22-si artıq fəaliyyət göstərir.

Sənaye məhəllələrinə indiyədək sahibkarlar tərəfindən 53,8 mln. manat investisiya yatırılıb, 650-dən çox iş yeri açılıb.

Sənaye məhəllələrinə daha 90 mln. manatdan çox sərmayə yatırılacaq ki, bu da əlavə olaraq 1400-ə yaxın yeni iş yerinin açılmasına imkan yaradacaq.

Hazırda ölkənin digər bölgələrində də sənaye zonalarının yaradılması ilə bağlı araşdırma və təhlillər aparılır.

Bu ilin sonunadək bölgələrdə daha 2 sənaye zonasının (sənaye parkı və ya məhəlləsi) təşkili barədə təkliflər aidiyyəti üzrə təqdim ediləcəkdir.

Digər xəbərlər