İqtisadi Zonaların İnkişafı Agentliyinin idarəçiliyində olan Hacıqabul Sənaye Məhəlləsinin rezidenti “Brake systems Azerbaijan” MMC avtomobil diskləri və radiatorlar istehsal etməyi planlaşdırır.

Azərbaycanda yeni avtomobil zavodu - İŞƏ DÜŞƏCƏK

FED.az xəbər verir ki, bunu sözügedən MMC-nin direktoru Mehman Ağayev deyib.

Onun sözlərinə görə, hazırda avtomobillər üçün əyləc bəndləri istehsal edən müəssisə istehsal sahəsini genişləndirməyi nəzərdə tutur.

M.Ağayev yeni məhsulların istehsalına 2025-ci ildə başlaya biləcəklərini açıqlayıb: “Daxili bazarda disk və radiatorlara tələbat çoxdur. Bu məhsullar tam olaraq idxal edilir. İstehsala başladıqdan sonra daxili bazarda təxminən 20-25 faizlik paya sahib olacağıq”. (Azərbaycan iqtisadiyyatı, Teleqram kanalı)