İçkilər üçün alüminium qutuların istehsalı üzrə Azərbaycan-Macarıstan zavodunun investisiya dəyəri 211 milyon dollardır.

Ələt Azad İqtisadi Zonasında tikiləcək zavodda 300-dən çox iş yeri yaradılacaq - FOTOLAR

FED.az xəbər verir ki, bu barədə  İqtisadiyyat Nazirliyindən məlumat verilib.

Ələt Azad İqtisadi Zonası ərazisində qabaqcıl texnologiyalara əsaslanan qabaqcıl texnologiyalar əsasında illik istehsal gücü 700 milyon ədəd alüminium qutu olan zavodun tikintisi planlaşdırılır.

İlkin mərhələdə illik istehsal gücü 415 milyon alüminium içki qutusu olacaq. Layihə çərçivəsində 300-dən çox iş yerinin yaradılması nəzərdə tutulur.

Qeyd edək ki, bu hadisə ilə əlaqədar iyulun 10-da “Azərbaycan İnvestisiya şirkəti” QSC ilə Macarıstanın “Hell Energy” şirkəti arasında müvafiq saziş imzalanıb.