Banner

Sənaye

“Azəralüminium” “ADA” Universiteti ilə - ƏMƏKDAŞLIQ EDƏCƏK

“Azəralüminium” “ADA” Universiteti ilə - ƏMƏKDAŞLIQ EDƏCƏK | FED.az
10:44 16 Dek 2019

“ADA” Universiteti ilə “Azəralüminium” MMC-nin nümayəndə heyəti arasında işgüzar görüş keçirilib.

FED.az xəbər verir ki, Azərbaycan Sənaye Korporasiyasının yaydığı məlumatda bildirilir ki, görüş zamanı Universitetin rektoru Hafiz Paşayev və müəssisənin direktoru Maksim Cavadov tələbə və məzunların məşğulluq imkanları, elm ilə özəl sektor arasında praktiki əlaqələrin genişləndirilməsi, eləcə də “Azəralüminium” MMC-nin informasiya texnologiyaları üzrə mütəxəssislərinin həmin  sahə üçün hazırlanan kadrların təcrübə keçməsinə cəlb olunması və ümumilikdə bu qəbildən əməkdaşlığın daha da inkişaf etdirilməsi istiqamətində müzakirələr aparıblar.

Eləcə də bax: “Azəralüminium” böyük məbləğli - İXRAC MÜQAVİLƏSİ BAĞLAYIB

Qeyd olunub  ki,  İT üzrə mütəxəssislərin hazırlanması layihənin ilkin mərhələsidır. Layihənin davamı olaraq biznesin idarəolunması, marketinq və digər sahələr üzrə yeni kadrların  hazırlanması, həmçinin elmi potensialdan istifadə etməklə sahibkarlığın inkişafı üçün tələb olunan statistika və təhlillərin aparılması istiqamətində  əməkdaşlığın qurulması da nəzərdə tutulur.

"“Azəralüminium” MMC  və  ADA Universiteti arasında həyata keçirilən bu qəbildən layihələr  tələbələr arasında biznes ideyalarının yaranması, innovativ təşəbbüslərin gerçəkləşməsi, iqtisadiyyatın müxtəlif sahələri üzrə araşdırmaların aparılmasına dair birgə proqramlar həyata keçirilməsi baxımından əhəmiyyət daşıyır",- məlumatda deyilir

Digər xəbərlər

Banner