İsveç şirkəti son dövrlər hərbi münaqişələrdə aktiv istifadə olunan və əsas dövyüş silahına çevrilmiş dronlarla mübarizə üçün yeni silah hazırlayıb.
FED.az xəbər verir ki, dronlarla mübarizənin çətinliyi - onların kiçik ölçülü olması ilə yanaşı, ucuz başa jəlməsi və ona görə də dronların sayının həddən artıq çox olmasıdır.
Müasir həva hücumundan müdafiə sistemləri dronları vurmağa ona görə çətinlik çəkir ki, əvvəla onlar daha iri raketləri vurmaq üçün yaradılıb. digər tərəfdən dronu vurmaq üçün istifadə olunan raketlərin qiyməti olduqca bahadır. Bəzən dronu vurmaq üçün göndərilən raketin qiyməti dronun öz qiymətindən 100 dəfə baha olur. Ona görə də ənənəvi zenit qurğuları ilə dronları vurmaq mümkün deyil.
Nəticədə bütün dronları vurmaq üçün raket çatdırmaq mümkün olmur. Bunu hazırda davam edən Rusiya-Ukrayna müharibəsi də göstərir.
İndi isə İsveçin hərbi-sənaye konserni olan «SAAB» şirkəti dron dəstələrinin qarşısını almaq üçün sərfəli qiymətə sursat təqdim edib. Yeni silah «Nimbrix» adlanır. Bu silah ənənəvi artilleriya və zenit-raket sistemləri arasında yer tutacaq.
«Svenska Dagbladet»in verdiyi məlumata görə, yeni sursatın istehsalı ucuz başa gəlir və buna görə də əlverişli məhvetmə vasitəsidir. «Nimbrix»in uzunluğu bir metrdən azdır və onun alıcı ölkələrdə yığılması planlaşdırılır.
Nimbrix həm fərdi dronları, həm də dron dəstələrini izləyə bilən infraqırmızı hədəf başlığı ilə təchiz edilmişdir. Qurğular döyüş başlığının partlamasından sonra əmələ gələn qəlpələrlə məhv edilir. Bildirilir ki, yeni sursatın maksimal məsafəsi beş kilometrdir. Raket "atəş və unut" prinsipi ilə işləyir - yəni buraxıldıqdan sonra o, hədəfi özü tapır və operatorun müdaxiləsi olmadan onu vurur.
Hazırda İsveç şirkəti tərəfindən hazırlanmış «dron tutucu» cihaz artıq zavod sınaqlarından keçib. Artıq bir neçə ölkədən olan potensial müştərilər Nimbrix-i almaqda maraqlı olduqlarını bildiriblər. «SAAB» şirkətinin bu raketlərin tədarükünə 2026-cı ildən başlayacağı gözlənilir.
