İqtisadi Zonaların İnkişafı Agentliyinin (İZİA) idarəçiliyində olan “Araz Vadisi İqtisadi Zonası” Sənaye Parkında yeni rezident - “Prestij-Kimya“ MMC qeydiyyata alınıb.
İZİA-dan FED.az-a bildirilib ki, yeni rezident “Prestij-Kimya” Məhdud Məsuliyyətli Cəmiyyəti Sənaye Parkının 2 hektar ərazisində dezinfeksiyaedici, maye yuyucu və ağardıcı məhsulların istehsalını həyata keçirəcək zavod inşa edəcək. İnvestisiya dəyəri 4,8 milyon manat olan müəssisədə 157 nəfər daimi işlə təmin olunacaq. Müəssisədə istehsal olunacaq məhsulların daxili və xarici bazarlara satışı nəzərdə tutulur.
