Sığorta ödənişində ən böyük artım olan şirkətlər məlum olub.

FED.az xəbər verir ki, ötən ilin 8 ayı ilə müqayisədə bu ilin həmin dövründə məbləğinə görə ən böyük artım dinamikası “Atəşgah”, “İpək Yolu Sığorta” və “Ata Sığorta”da müşahidə olunub.

Eləcə də bax: 22 sığorta şirkətindən 10-nu artım nümayiş etdirib - SİYAHI - GÖSTƏRİCİLƏR

Belə ki, son bir ildə sığorta ödənişində ən böyük artım “Atəşgah” məxsus olub. Şirkətin artım dinamikası 7 milyon 403 min manat təşkil edib. Siyahıda ikinci yerdə 4 milyon 822 min manatla “İpək Yolu Sığorta” qərarlaşıb. Siyahının üçüncüsü isə 4 milyon 017 min manatla “Ata Sığorta” tamamlayıb.

Şirkətlərin ödənişlərinin dinamikasını faizlə müqayisə etsək ilk yerdə 5,2 dəfə artımla “İpək Yolu Sığorta” yer alır. Siyahının ikinci pilləsində 3,5 dəfə artımla “Atəşgah”, Üçüncü isə 2,6 dəfə artımla “Amrah Sığorta” qərarlaşıb.

Ümumilikdə isə 22-sığorta şirkətindən 12-nin ödənişlərində artım qeydə alınıb. Yekundə ötən illi müqayisədə sığorta şirkətləri  4,09% və ya 6 milyon 892 min manat daha çox ödəniş ediblər.