2025-ci ilin ilk yarısı üzrə Bakı Fond Birjasında repo əməliyyatları üzrə statistik göstəricilər açıqlanıb.

İnvestisiya şirkətlərinin ARMB qiymətli kağızlarının dövriyyələrinin həcmi üzrə renkinqi - (YANVAR-İYUN/2025)

FED.az xəbər verir ki,, məlumatlara əsasən, “PAŞA Kapital İnvestisiya Şirkəti” QSC bazarda açıq fərqlə lider olub — şirkət tərəfindən həyata keçirilmiş repo əməliyyatlarının ümumi həcmi 19 milyard 874 milyon 460 min 848 manat təşkil edib.

İkinci sırada yer alan "ABB İnvest İnvestisiya Şirkəti" QSC də bazarda güclü mövqeyini qoruyur — bu şirkətin repo əməliyyatları 14 milyard 511 milyon 704 min 681 manata bərabər olub.

Üçüncü pillədə isə Assist Finance İnvestisiya şirkəti ASC qərarlaşıb. Şirkət 2 milyard 48 milyon 520 min 362 manatlıq repo əməliyyatı həyata keçirib.

Daha sonra CPM-İnvest İnvestisiya Şirkəti QSC (1 milyard 712 milyon 978 min 167 manat) və "Xalq Kapital İnvestisiya Şirkəti" QSC (1 milyard 703 milyon 752 min 945 manat) kimi böyük oyunçular bazarda ciddi iştirakla seçiliblər.

Digər iştirakçılardan "İnvest-Az İnvestisiya Şirkəti" QSC 887 milyon 585 min 786 manat, "Unicapital İnvestisiya Şirkəti" ASC isə 697 milyon 178 min 320 manatlıq repo əməliyyatları həyata keçirib.

Capital Partners İnvestisiya Şirkəti QSC (596 milyon 778 min 645 manat) və Troni İnvestisiya Şirkəti QSC (298 milyon 938 min 225 manat) orta səviyyəli dövriyyələri ilə bazarda yer alıblar.

Siyahının sonuna yaxın "CFI FİNANCİAL İnvestisiya Şirkəti" QSC 168 milyon 547 min 648 manat, "PSG Kapital İnvestisiya Şirkəti" QSC 75 milyon 683 min 575 manat, MFX Trading İnvestisiya Şirkəti isə 72 milyon 185 min 30 manatlıq repo əməliyyatları ilə çıxış edib.