2025-ci ilin yanvar–iyun ayları üzrə Bakı Fond Birjasında ticarət olunan bazarlar üzrə birja üzvlərinin dövriyyə həcmləri açıqlanıb. Açıqlanan məlumatlar göstərir ki, fond bazarında liderlik mövqeyində “PAŞA Kapital İnvestisiya Şirkəti” QSC bazarda önə çıxmağı bacarıb.

Reklam marketinq xərclərinin dinamikası üzrə – BANKLARIN RENKİNQİ - SİYAHI, MƏBLƏĞLƏR (2023-2024)

FED.az xəbər verir ki, şirkət altı ay ərzində 24 milyard 459 milyon manatdan çox əməliyyat həcmi ilə siyahının başında yer alır. Bu nəticə onu ən yaxın izləyicisindən xeyli fərqləndirir.

İkinci sırada 17 milyard 774 milyon manatlıq əməliyyat həcmi ilə “ABB İnvest İnvestisiya Şirkəti” QSC qərarlaşıb. Bu iki şirkət birlikdə ümumi bazar dövriyyəsinin böyük bir qismini təşkil edir.

Üçüncü yerdə “Assist Finance İnvestisiya Şirkəti” ASC yer alır və onun 2 milyard 891 milyon manatlıq dövriyyəsi ilk iki liderə nisbətən fərqli çəkiyə malik olsa da, digər iştirakçılarla müqayisədə ciddi üstünlük təşkil edir.

Növbəti sıralarda CPM-İnvest İnvestisiya Şirkəti 1 milyard 916 milyon manatlıq, “Xalq Kapital” 1 milyard 712 milyon manatlıq, “Unicapital” 1 milyard 186 milyon manatlıq, “İnvest-Az” isə 1 milyard 100 milyon manatlıq əməliyyat həcmi ilə irəliləyir.

 “Capital Partners”, Troni, CFI Financial, PSG Kapital və MFX Trading şirkətlərinin dövriyyələri isə daha aşağı həcmdə 1 milyardın altında qeydə alınıb. Ən son sırada yer alan MFX Trading 120 milyon 329 min manatlıq əməliyyatla ümumi sıralamanı tamamlayır.

Daha detallı aşağıdakı cədvəldə: