Dünyanın kriptovalyuta bazarında qiymətlər bir il əvvəlki həddən qat-qat aşağı olsa da, satışların intensivliyi sürətlə yüksəlir və artıq ötənilki həddədir.

Son günlər isə əsas kriptovalyuta sayılan bitkoin bazarında bir neçə iri, daha dəqiqi nəhəng alqı-satqı qeydə alınıb.

FED.az xəbər verir ki, ən böyük kriptovalyuta birjalarından biri olan Binance-ən naməlum alıcı ümumi məbləği 400 milyon dollar olan 107 432 ədəd bitkoin alıb. Bu koinlər naməlum cüzdana transfer edilib.

Eləcə də bax: Bitcoin yenidən dəyər itirir – SON QİYMƏT

Bundan dərhal sonra isə yenə də Binance-də başqa bir alıcı ümumi məbləği 35 milyon dollar olan 10 min ədəd bitkoin alıb.

Bazar iştirakçıları bildirir ki, bu alışlar, kriptovalyuta sektorunun dirçəldiyini və iri investorların bazara yatırıma başladığını göstərir.