Bakıda 26 yanvar 2019-cu il tarixində Türkdilli dövlətlərin PR mütəxəssislərinin ilk forumu keçiriləcək. Forumda 20-dən çox spiker iştirak edəcək.
FED.az spikerlərin təqdim edilməsinə başlayıb.
FED.az xəbər verir ki, forumda Niderland Marketinq İnstitutunun və Moskva Biznes Məktəbinin məzunu İlham Əfəndiyev də çıxış edəcək.
İ.Əfəndiyev Azərbaycan Dövlət Neft Akademiyasından bakalavr dərəcəsi üzrə məzun olub, Niderland Marketinq İnstitutunda və Moskva Biznes Məktəbində marketinq üzrə təhsilini davam etdirib.O, Beynəlxalq Kouç Federasiyası tərəfindən akreditasiya olunmuş Ukraynanın Maksimum Akademiyasında kouç təhsili alb.
Eləcə də bax: “Baku PR Forum 2019”un spikeri – TARİEL CƏLALLI - PROQRAM
İlham Əfəndiyev Bakcell, Embawood kimi nüfuzlu şirkətlərdə və Bakı 2015 Avropa Oyunları kimi mötəbər tədbirlərdə çalışıb, bir sıra böyük şirkətlərin komandalarına "İctimaiyyətlə əlaqələr", "Dijital marketinq", "Marketinqin əsasları" və s mövzularda təlimlər keçib.
Hazırda Pragma şirkətinin biznes tərəfdaşıdır və “Afandi Consultancy” brendi altında təlimçi, biznes konsultant və kouç kimi öz fəaliyyətini davam etdirir.
Forumun proqramı ilə buradan tanış ola bilərsizniz.
“Baku PR Forum 2019”un spikeri – İLHAM ƏFƏNDİYEV - PROQRAM
12:45
11 Yan 2019
