"WhatsApp" messenceri və sosial şəbəkəsi bu ilin əvvəlindən bəzi telefonlarda işləməyəcək.
FED.az xəbər verir ki, şirkətin açıqlamasına görə, dəyişikliklər 1999-cu ildə yaradılmış "Nokia Series 40"əməliyyat sistemli telefonlara aid olacaq. 2012-ci ildə "Nokia S40"ın müxtəlif seriyaları ilə dünyada bu mobil qurğuların miqdarı 1,5 milyarddan çox olub.
Bundan başqa, 2020-ci ilin 1 fevralından bu dəyişiklik "Android 2.3.7" versiyalı smartfonlara da aid olacaq. "WhatsApp" həmin versiyalı telefonlarda da fəaliyyət göstərməyəcək.
Məlumata görə, "WhatsApp" daha köhnə, həmçinin "iOS 7" versiyalarının da dəstəyindən imtina edəcək.
Qeyd edək ki, bu ildən "WhatsApp" mesajlaşma sistemində reklamların nümayişinə də başlanacaq.
