13 may 2019 16:32

Bu ilin birinci rübdə AÇG-də 4 neft hasilat quyusu qazılıb

Bu ilin birinci rübdə AÇG-də 4 neft hasilat quyusu qazılıb. FED.az xəbər verir ki, bu barədə yataqlar blokunun operatoru “BP-Azerbaijan” şirkətinin tərəfdaşlarla birgə yaydığı hesabatda qeyd edilib.

Hazırda AÇG-də 8 dəniz platforması - 6 hasilat və 2 emal, kompressiya, suvurma və kommunal məqsədli platforma fəaliyyət göstərir. Platformalardan əldə olunan neft və qaz Bakı yaxınlığında quruda yerləşən və dünyanın ən böyük neft-qaz terminallarından olan Səngaçal terminalına ötürülür. 2018-ci ildə AÇG-nin ümumi hasilatı gündə orta hesabla 584 min barel olub.

Xatırladaq ki, AÇG üzrə ilk Hasilatın Pay Bölgüsü sazişi 1994-cü ilin sentyabrında imzalanıb. 2017-ci ilin sentyabrında sazişə əlavələr edilib və müddəti 2049-cu ilə qədər uzadılıb.

Eləcə də bax: I rübdə AÇG-dən 7 mln. ton neft hasil edilib

 

Paylaş

Şərhlər

Şərh yoxdur

Cavab yaz