Nəqliyyat

Yol polislərinin maddi təminatı - YAXŞILAŞDIRILIR

Yol polislərinin maddi təminatı - YAXŞILAŞDIRILIR | FED.az
16:03 23 Sen 2019

Dövlət yol polislərinin maddi təminatı yaxşılaşdırılacaq.

FED.az-ın məlumatına görə, bu, “Dövlət rüsumu haqqında” qanuna təklif edilən dəyişiklikdə əksini tapıb.

Eləcə də bax: Avtomobillərin texniki baxışına görə - RÜSUM ARTIRILIR - QANUNA DƏYİŞİKLİK

Dəyişikliyə əsasən, avtonəqliyyat vasitələrinin qanunla müəyyən edilmiş hallarda texniki baxışdan keçirilməsinə görə ödənilən dövlət rüsumunun 30 faizi müvafiq icra hakimiyyəti orqanının müəyyən etdiyi orqanın (qurumun) işçilərinin sosial müdafiəsini gücləndirmək və maddi təminatını yaxşılaşdırmaq, habelə müvafiq icra hakimiyyəti orqanının müəyyən etdiyi orqanın (qurumun)  texniki baxış stansiyalarının saxlanılmasını təmin etmək üçün müvafiq icra hakimiyyəti orqanının müəyyən etdiyi orqanın (qurumun) xəzinə hesabına, qalan hissəsi isə “Avtomobil Yolları” Məqsədli Büdcə Fonduna köçürüləcək.

Qeyd edək ki, indiyə qədər  əsasən, avtonəqliyyat vasitələrinin qanunla müəyyən edilmiş hallarda texniki baxışdan keçirilməsinə görə ödənilən dövlət rüsumunun 25 faizi bu məqsədlə xərclənib.

Layihə Milli Məclisin sentyabrın 30-da keçiriləcək ilk plenar iclasında müzakirəyə çıxarılacaq.

Apa

Digər xəbərlər