Sabunçu qəsəbəsi Bakının alt mərkəzlərindən biri kimi müəyyən edilib.
FED.az xəbər verir ki, bu barədə yeni açıqlanan Bakının Baş Planında bildirilir.
Sabunçu alt mərkəzi müasir dəmir yolu xətti vasitəsilə Mərkəzi Bakı ilə əlaqəyə sahib olan yeganə yaşayış məntəqəsidir. Bundan əlavə, perspektivdə metro xətlərinin (Yaşıl xətt) bu əraziyə doğru uzadılması burada ictimai nəqliyyatın keyfiyyətini əhəmiyyətli dərəcədə artıracaq və Sabunçunu şəhər inkişafı üçün ən üstün mərkəzə çevirəcək. Plana görə, Təmiz Şəhərin yaxınlığında Eko-Sənaye Parkının və Heydər Əliyev adına Hava Limanının yaxınlığında anbar / logistika / ofis sahələrinin inkişafı nəzərdə tutulur.
Sabunçu alt mərkəzinə Sabunçu, Balaxanı, Zabrat, Ramana, Bülbülə, Bakıxanov, Əmircan, Yeni Suraxanı və Binǝ aiddir.
