Dünyanın ən böyük yük logistika şirkəti olan "Maersk" fəxrlə elan edir ki, o, Azərbaycan vasitəsilə dünyanın aparıcı istehsalçı ölkələrini cəlbedici Asiya bazarları ilə birləşdirəcək yeni nəqliyyat həlləri hazırlayıb.
Sərnişin və yük daşımalarına görə icazənin alınması üçün tələb olunan sənədlər müəyyənləşib - SİYAHI
FED.az xəbər verir ki, şirkətin yaydığı məlumata görə, bu nəqliyyat həlli Uzaq Şərq, Aralıq dənizi və Avropa ölkələrini Mərkəzi Asiya bazarları ilə mükəmməl şəkildə birləşdirəcək.
"Bizim yeni məhsulumuz dəniz və dəmir yolu nəqliyyatı üçün kompleks intermodal həlldir və yük daşımalarının, xüsusilə istehlak mallarının, eləcə də həyat tərzi mallarının və texnologiyasının Mərkəzi Asiyada böyüyən istehlak bazarlarına səmərəliliyinin artırılmasına yönəlmişdir", - "Maersk"in press-relizində bildirib. “Bu yeni fərdiləşdirilmiş həll ilk növbədə Qazaxıstan və Özbəkistana yönəldilsə də, Türkmənistan, Tacikistan və Qırğızıstan kimi qonşu ölkələrdə gələcək logistika təklifləri üçün əsas olacaq”.
İndi "Maersk" bu marşrutun əhatə dairəsini genişləndirir və yükləri ABŞ və Uzaq Şərqdən Azərbaycandan keçməklə Orta Asiya bazarlarına daşıyır. Şirkət bildirir ki, Gürcüstanın Poti limanı "Maersk"in qlobal okean şəbəkəsi ilə əsas əlaqədir. Bu limandan yüklər asanlıqla dəmir yolu ilə Bakıya çatdırılır.
Qeyd edək ki, "Maersk" 80 min nəfərə yaxın işçi heyəti olan, baş ofisi Kopenhagendə yerləşən və 135-dən çox ölkədə törəmə şirkətləri olan Danimarka şirkətidir. O, konteyner daşımalarında dünya lideridir və qlobal bazarın təxminən 20 faizinə nəzarət edir. Şirkət həmçinin dünyanın bir çox ölkələrində neft və qaz hasilatı, o cümlədən yüzlərlə tankerdən ibarət öz donanmasından istifadə etməklə neftin nəqli ilə məşğuldur.
Şirkətin Azərbaycan ərazisindən yükdaşımaları üçün yeni marşrutun işə salınması Rusiyanın Ukraynaya müdaxiləsi ilə bağlı qlobal ticarət marşrutlarının dəyişməsi və yük şirkətlərinin Rusiyadan yan keçərək logistika marşrutlarını inkişaf etdirdiyi bir vaxta təsadüf edir.
Qeyd edək ki, artıq bir neçə iri beynəlxalq logistika şirkəti Çin-Avropa-Çin marşrutu ilə yüklərin daşınması üçün “Orta Dəhliz”i seçib. Avropa şirkətləri də artıq Rusiya üzərindən Asiyaya mal daşımır və alternativ yollara, o cümlədən Orta Dəhlizə üz tuturlar.
Məsələn, bir neçə ay əvvəl Finlandiyanın “Nurminen Logistics” nəqliyyat-logistika şirkəti Rusiya ərazisindən yüklərin daşınmasını dayandırıb və Qazaxıstan, Xəzər dənizi, Azərbaycan və Gürcüstan vasitəsilə Çindən Avropaya alternativ nəqliyyat dəhlizinin fəaliyyətinə başlayıb. Mayın 10-da "Nurminen Logistics" Çindən Avropaya ilk konteyner qatarını yola salıb - qatar Çonqinqdən ayrılaraq Rusiyadan yan keçərək Mərkəzi Avropaya gedib.
Aprelin ortalarında Çinin “Juyan” nəqliyyat və logistika şirkəti də Qazaxıstan və Azərbaycan üzərindən Avropaya ilk konteyner qatarını yola salıb.
May ayında A.P. Maersk Group-un bir hissəsi olan Moller-Maersk, Qazaxıstan, Azərbaycan, Gürcüstan və Rumıniya vasitəsilə Avropanı Çinə birləşdirən marşrut üzrə yenilənmiş dəmir yolu yükdaşıma xidmətinə başladığını elan edib. Bu marşrut üzrə malların çatdırılması orta hesabla 40 gün çəkir.
İndi "Maersk" bu marşrutun əhatə dairəsini genişləndirir və yükləri ABŞ və Uzaq Şərqdən Azərbaycandan keçməklə Orta Asiya bazarlarına daşıyır. Şirkət bildirir ki, Gürcüstanın Poti limanı Maersk-in qlobal okean şəbəkəsi ilə əsas əlaqədir. Bu limandan yüklər sərbəst şəkildə dəmir yolu ilə Bakıya, daha sonra Xəzər dənizindən keçərək Qazaxıstanın Aktau limanına çatdırılır və oradan da səmərəli dəmir yolu şəbəkəsi vasitəsilə Mərkəzi Asiyadakı son məntəqələrə - Almatı, Astana, Daşkəndə çatırlar.
Rahat və etibarlı logistikanı təmin etmək üçün "Maersk" Gürcüstan, Azərbaycan, Özbəkistan və Qazaxıstanda xüsusi avtomobil parkı vasitəsilə əlaqələr yaradıb. Bu strateji yanaşma son təyinat yerinə səmərəli və təhlükəsiz çatdırılmanı təmin edir, gecikmələri minimuma endirir və tam müştəri məmnuniyyətini təmin edir.
Cənub-Şərqi və Şərqi Asiyada "Maersk" artıq bu bazarları Çin vasitəsilə Mərkəzi Asiya ilə birləşdirən hərtərəfli dəmir yolu və okean dəmir yolu şəbəkəsi təklif edir. (Xalq qəzeti)
