Qarlı şaxtalı hava şəraiti paytaxt yollarında ictimai nəqliyyatın hərəkətinə təsirsiz ötüşməyib.
Yollardakı vəziyyətlə bağlı bəzi rayonlara - AVTOBUS REYSLƏRİ TƏXİRƏ SALINIB
FED.az xəbər verir ki, bəzi sərnişinlər əvvəlki günlərlə müqayisədə uzun müddət dayanacaqlarda avtobus gözlədiklərini ifadə ediblər.
Amma bəzi sərnişinlər ictimai nəqliyyat sarıdan bu gün çətinlik çəkmədiklərini bildiriblər.
Taksi xidmətindən istifadə edənlər isə qiymətlərin artmasından gileyləniblər.
Taksi sürücüləri qiymət artımının cüzi olduğunu qeyd ediblər. Onlar artımı hava şəraiti və yollarıın buzlu olması ilə əlaqələndiriblər.
Mövcud vəziyyətlə bağlı Azərbaycan Yerüstü Nəqliyyat Agentliyi də məlumat yayıb. Bildirilib ki, qurumun monitorinq mərkəzi gücləndirilmiş rejimdə fəaliyyət göstərir. Monitorinq mərkəzi təfərindən yollarda avtobusların hərəkəti tam nəzarətə götürülüb, yarana biləcək problemlər aidiyyəti qurumlarla koordinasiyalı şəkildə dərhal yerində həll edilir. Yollar qardan təmizləndikcə avtobusların xəttə buraxılması təmin edilir. Hərəkət işirakçılarına ehtiyatlı olmaları, kəskin hava şəraitinin davam etdiyi günlərdə ictimai nəqliyyatdan istifadəyə üstünlük vermələri tövsiyə edilib. (Xezerxeber.az)
