Bakı-Tbilisi-Qars dəmir yolunun Gürcüstan hissəsinin genişləndirilməsinə sərmayələr $100 milyonu ötəcək.
FED.az xəbər verir ki, bu barədə prezident İlham Əliyev bəyan edib.
"Minimum 3-5 milyard dollar edəcək. Bu layihəyə kim sərmayə qoyacaq?"
“Beş il bundan əvvəl biz tərəfdaşlarımızla birlikdə Bakı-Tbilisi-Qars dəmir yolu layihəsinin açılışını etdik. İndi isə ölkəmizdən keçən artan yük həcmlərini gördükdə biz Bakı-Tbilisi-Qarsın Gürcüstan hissəsinin genişləndirilməsinə sərmayə yatırmağa başladıq. Bu layihə bizə 100 milyon ABŞ dollarından daha baha başa gələcək”, - İlham Əliyev cümə günü “Orta Dəhliz boyunca: geosiyasət, təhlükəsizlik və iqtisadiyyat” mövzusunda beynəlxalq konfransda bəyan edib.
Onun sözlərinə görə, bu layihəni bir il və ya ola bilsin ki, bir il yarım müddətində bitirmək planlaşdırırıq.
İlham Əliyev qeyd edib ki, hazırda Azərbaycan həmçinin dəmirr yolu sistemi, nəqliyyat infrastrukturu, xüsusilə hava ilə yükdaşımaları infrastrukturuna sərmayələr yatırır.
O cümlədən, bu işlər çərçivəsində dəniz ticarət limanının 15 milyon tondan 25 milyon tona qədər genişləndirilməsi planlaşdırılır. “Dünyada yeni geosiyasi vəziyyət mövcuddur və Azərbaycandan daha çox yüklərin daşınmasına zərurət var”, - prezident deyd edib.
O bildirib ki, Laçın hava limanı hazır olandan sonra, Azərbaycanda beynəlxalq hava limanlarının sayı doqquza çatacaq.
“Əlbəttə ki, bu, təkcə sərnişin daşımaları üçün yox, həm də yük daşımaları üçündür. Beləliklə, biz Azərbaycan ərazisindən yükdaşımaların sürətlə artmasını gözləyirik və buna hazırıq”, - prezident bəyan edib.
