Banner

Nəqliyyat

"İrandan Naxçıvana gedən maşınlara - MƏHDUDİYYƏT QOYULMAYIB"

"İrandan Naxçıvana gedən maşınlara - MƏHDUDİYYƏT QOYULMAYIB" | FED.az
08:06 25 Fev 2020

"Naxçıvan Muxtar Respublikasına İran vasitəsilə nəqliyyatın hərəkətinin məhdudlaşdırılması barədə KİV-lərdə gedən məlumat həqiqəti əks etdirmir".

Eləcə də bax: Azərbaycan-İran sərhədi hələ də açılmayıb - YALNIZ BU ŞƏXSLƏR KEÇƏ BİLƏR

FED.az xəbər verir ki, bunu açıqlamasında Dövlət Sərhəd Xidməti Sərhəd Nəzarətinin rəisi general-leytenant Abbas Xəlilov bildirib. 

Onun sözlərinə görə, bir neçə saat bundan əvvəl dövlət komissiyasının üzvlərinin, bir neçə qurum rəhbəri və yüksək vəzifəli şəxslərinin iştirakı ilə Astara və Biləsuvar buraxılış məntəqələrinə baxış keçirilib. Buraxılışın dayandırılması və sərhədin bağlanması ilə bağlı məlumat heç də həqiqəti əks etdirmir. Müəyyən məhdudlaşmalar var, vətəndaşlara izahedici və maarifləndirmə işinin aparılması nəticəsində sərhəddə intensivliyin azalması mövcuddur.

"Naxçıvan MR-lə bağlı isə ümumiyyətlə heç bir problem yoxdur. İstər Naxçıvana gedən yük maşınları, istərsə də sərnişin avtobusları və ya fərdi nəqliyyat vasitələrinin hərəkətinə nə İran, nə də Azərbaycan tərəfindən heç bir məhdudiyyət tətbiq olunmayıb. Bu məlumatlar həqiqətə uyğun deyil", - deyə o, əlavə edib.

 "Qafqazinfo" 

Digər xəbərlər

Banner