Nəqliyyat

Dəmir yolu işçilərinin peşə bayramına həsr olunan - TƏDBİR KEÇİRİLİB

Dəmir yolu işçilərinin peşə bayramına həsr olunan - TƏDBİR KEÇİRİLİB | FED.az
14:29 11 Okt 2019

“Azərbaycan Dəmir Yolları” Qapalı Səhmdar Cəmiyyətində 13 oktyabr - dəmir yolu işçilərinin peşə bayramı gününə həsr olunan tədbir keçirilib.

FED.az xəbər verir ki, dəmiryolçular öncə Fəxri Xiyabanda Heydər Əliyevin, görkəmli oftalmoloq-alim Zərifə Əliyevanın məzarlarını və Şəhidlər Xiyabanını ziyarət ediblər. Tədbir "Azərbaycan Dəmir Yolları" QSC-də davam etdirilib.

Eləcə də bax: Beynəlxalq Bankda dəmiryolu işçiləri üçün - KREDİT KAMPANİYASI!

"Azərbaycan Dəmir Yolları" QSC-nin sədri Cavid Qurbanov çıxışında bildirib ki, Azərbaycanda dəmir yolunun təməli 1878-ci ildə qoyulub və inşası 20 yanvar 1880-ci ildə başa çatıb: "Uzunluğu cəmi 20 km olan Bakı-Suraxanı-Sabunçu dəmir yolu yük daşınmasına olan tələbatın artması səbəbindən inkişaf edərək təkmilləşib".

Sədr qeyd edib ki, Prezident İlham Əliyev 2005-ci il oktyabrın 7-də "Dəmir yolu işçilərinin peşə bayramının təsis edilməsi haqqında" sərəncam imzalayıb.

Sonda bu ilin avqust-sentyabr aylarında Nabrandakı “Lokomotiv” İstirahət Mərkəzində keçirilən dəmiryolçuların idman spartakiadasının qaliblərinə kuboklar, pul mükafatları və diplomlar, bir qrup dəmiryolçuya “Fəxri dəmiryolçu” döş nişanı və bayram hədiyyələri təqdim olunub.

Apa

Digər xəbərlər