Nəqliyyat

Bakıda "Caspian European Club"un dəstəyilə “Transport B2B Forum” - KEÇİRİLİB

Bakıda  "Caspian European Club"un dəstəyilə “Transport B2B Forum” - KEÇİRİLİB | FED.az
14:53 11 Mart 2020

11 mart 2020-ci ildə Caspian European Club “Nəqliyyat və logistika” mövzusuna həsr olunmuş B2B Forum Baku təşkil edib.

FED.az xəbər verir ki, bu barədə Caspian European Club və Caspian Energy qrupun sədri və baş icraçı direktoru Telman Əliyev məlumat verib. 

Eləcə də bax: Bakı Limanı: Hazırda limanda böyük həcmdə - TIR-LAR TOPLANIB

B2B forumu çərçivəsində ADY KONTEYNER MMC, ASE ASIA SKY Express, Hellmann Worldwide Logistics, LV Caspian Shipping şirkətlərinin nümayəndələri qısa təqdimatla çıxış edərək öz fəaliyyətləri barədə danışıblar.

B2B forumunda Azərbaycan Respublikasının Nəqliyyat, Rabitə və Yüksək Texnologiyalar Nazirliyi, Azərbaycan Respublikası Gömrük Komitəsi, “Azərbaycan dəmir yolları” Qapalı Səhmdar Cəmiyyəti,  “Bakı Beynəlxalq Dəniz Ticarət Limanı” Qapalı Səhmdar Cəmiyyəti, Azərbaycan Avtomobil Yolları Dövlət Agentliyi, Bakı Nəqliyyat Agentliyi nümayəndələri, həmçinin diplomatik missiya və beynəlxalq təşkilat rəhbərləri, iqtisadiyyatın müxtəlif sahələrini təmsil edən şirkətlərin top-menecerləri və ekspertlər iştirak ediblər.

B2B forum Caspian European Club tərəfindən beynəlxalq biznes-netvorkinq üçün yaradılmış unikal platformadır. Forum çərçivəsində biznes təmsilçiləri qısa təqdimatlar keçirir və öz fəaliyyətləri barədə məlumat verirlər.

Bakı, Almatı və Tbilisidə hər ay keçiriliən B2B forum qeyri-rəsmi şəraitdə ünsiyyət və Azərbaycan, Gürcüstan, Qazaxıstan, həmçinin digər Xəzər-Qara dəniz və Baltik regionu ölkələrinin iqtisadiyyatının müxtəlif sahələrini təmsil edən şirkət rəhbərləri ilə yeni işgüzar əlaqələrin qurulması üçün əlavə platformadır.

Sıralarında dünyanın 50 ölkəsindən 5 mindən artıq şirkət və təşkilatı birləşdirən Caspian European Club 2002-ci ilin iyununda yaradılıb. Caspian European Club-un mənzil qərargahı Bakıda (Azərbaycan) yerləşir. Caspian European Club-un həmçinin Gürcüstan və Qazaxıstanda rəsmi nümayəndəlikləri, ABŞ, Almaniya, Polşa, Latviya və Çexiyada səlahiyyətli nümayəndələri var.

Digər xəbərlər