İndoneziya cümə günü palma yağı ilə qarışdırılmış təyyarə yanacağından istifadə edərək ilk kommersiya uçuşunu həyata keçirib.
Pakistan şirkəti yanacaq çatışmazlığından 322 reysi - LƏĞV EDİB
FED.az xəbər verir ki, “Garuda Indonesia” aviaşirkətinin baş direktoru İrfan Setiaputra bildirib ki, palma yağı qarışdırılmış yanacaqla uçan “Boeing 737-800NG” təyyarəsi paytaxt Cakartadan təxminən 550 kilometr uzaqlıqdakı Surakarta şəhərinə 100-dən çox sərnişin daşıyıb.
O əlavə edib ki, bu yanacağın kommersiya baxımından məqsədəuyğun olmasını təmin etmək üçün Energetika Nazirliyi və digər tərəflərlə aparılan iş davam edəcək.
“Garuda Indonesia” bu ayın əvvəlində yeni yanacaq üzərində uçuş sınağı və avqustda mühərrikin yer sınağı da daxil olmaqla bir neçə mühüm test keçirib. Palma yağı ilə qarışdırılmış təyyarə yanacağı İndoneziyanın dövlət enerji firması “Pertamina” tərəfindən öz Cilacap neft emalı zavodunda su ilə işlənmiş efirlər və yağ turşusu (HEFA) texnologiyasından istifadə etməklə istehsal olunur və təmizlənmiş, ağardılmış, qoxusuz palma çəyirdəyi yağından hazırlanır.
“Pertamina” palma əsaslı yanacağın qazıntı yanacaqları ilə müqayisədə atmosferi istiləşdirən daha az istixana qazları buraxdığını və palma yağı istehsal edən ölkələrin davamlı aviasiya yanacağının (SAF) istehsalı üçün qida ehtiyatına daxil edilməsini istədiklərini bildirib. Şirkətin direktoru Alfian Nasutionun sözlərinə görə, 2021-ci ildə ilk bu cür yanacaq emal edilib və hazırda istehsalçı müəssisənin gücü gündə 1,350 kilolitrdir.
İndoneziyanın Energetika Nazirliyi də ioyanacaqdan istifadənin istixana effektini azaldacağını bildirib. İstixana qazlarının əsas emissiyası olan aviasiya sənayesi alternativ yanacaqlardan istifadə etməklə öz karbon tullantılarının həcmini azaltmağın yollarını axtarır. Mütəxəssislərin fikrincə, yanacaq xalis sıfır hədəflərə çatmaq üçün lazım olan azalmanın təxminən 65 faizini təşkil edərsə, sənayenin 2050-ci ilə qədər ildə 450 milyard litr SAF-a ehtiyacı olacaq.
Lakin bəzi ölkələr plantasiyalardan palma yağı istehsalında meşələrin qırılması potensialı ilə bağlı narahatlıqlarını ifadə ediblər. Avropa Birliyi də əmtəə idxalına məhdudiyyətlər qoyub. (Trend)
