Nəqliyyat

Bakıda daha 5 xüsusi ekspres marşrut xətti - TƏŞKİL EDİLİR

Bakıda daha 5 xüsusi ekspres marşrut xətti - TƏŞKİL EDİLİR | FED.az
15:33 29 Mart 2020

Xüsusi karantin rejiminin gücləndirilməsi işləri çərçivəsində metro stansiyalarının fəaliyyətinin məhdudlaşdırılması ilə əlaqədar Bakı Nəqliyyat Agentliyi (BNA) daha 5 xüsusi ekspres marşrut xətti təşkil edir. 

Eləcə də bax: Metronun “28 May” stansiyasından “Dərnəgül” və “İçərişəhər” istiqamətində - İNTERVAL DƏYİŞDİ

FED.az xəbər verir ki, bu barədə Agentlikdən bildirilib. 

Məlumatda deyilir ki, ilk növbədə məqsəd həyat fəaliyyətinin təmin edilməsi baxımından zəruri hesab olunan sahələrdə (xüsusi xidmət sahələri, ərzaq mağazaları və s.) xüsusi xəstəxana və karantin məntəqələrində çalışan vətəndaşların daşınmasını təmin etməkdir.

Təşkil edilən marşrutlar xəstəxanalar və karantin obyektlərini, eyni zamanda digər zəruri əraziləri əlaqələndirəcək. Marşrutlar üzrə “BakuBus” MMC-nin istismarında olan avtobuslar cəlb ediləcək. M3, M4, M5, M6 və M7 ekspres xətti üzrə avtobuslar sabahdan xidmətə başlayacaq.

Ekspres xətt üzrə avtobuslar müəyyən edilmiş dayanacaqlarda dayanacaq və sərnişin təlabatına uyğun interval ilə xidmət göstərəcək.

Təşkil olunacaq ekspres xətləri

1. M3 Koroğlu m/st – 28 May m/st.

2. M4 20 Yanvar m/st – S.Vurğun bağı

3. M5 Koroğlu m/st – 20 Yanvar m/st

4. M6 Əhmədli m/st – S.Vurğun bağı

5. M7 İnşaatçılar m/st –N.Nərimanov m/st.

M3, M4, M5, M6 və M7 ekspres xətləri üzrə avtobuslar səhər saat 09:00-dan 17:00-dək fəaliyyət göstərəcək. Daha əvvəl təşkil olunan M1 və M2 ekspres xəttlərinin iş qrafiki isə (06:00-22:00) dəyişməz qalır.

Eyni zamanda, bildiririk ki, müntəzəm marşrut xətləri üzrə sərnişin avtobuslarının fəaliyyəti də adi rejimdə davam edəcək. Gündəlik xəttə çıxan avtobusların sayı sərnişin axınına uyğun olaraq tənzimlənəcəkdir.

Sərnişinlərdən zəruriyyət olmadığı təqdirdə evdən çıxmamağı tövsiyə edirik.

Bakıda daha 5 xüsusi ekspres marşrut xətti - TƏŞKİL EDİLİR | FED.azBakıda daha 5 xüsusi ekspres marşrut xətti - TƏŞKİL EDİLİR | FED.azBakıda daha 5 xüsusi ekspres marşrut xətti - TƏŞKİL EDİLİR | FED.azBakıda daha 5 xüsusi ekspres marşrut xətti - TƏŞKİL EDİLİR | FED.azBakıda daha 5 xüsusi ekspres marşrut xətti - TƏŞKİL EDİLİR | FED.az

Digər xəbərlər

Banner